Don't Miss!
- News రేవంత్ నన్ను జైల్లో వేస్తాడట..: కాంగ్రెస్ సర్కారుపై కేసీఆర్ నిప్పులు
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
సమంత రియాలిటీ షో.. అల్లు అరవింద్ భారీ ఆఫర్.. అక్కినేని కోడలు సై!
స్టార్ హీరోయిన్, అక్కినేని కోడలు సమంత.. సరికొత్త ట్రెండ్ ఫాలో అవుతూ ట్రెండ్కి తగ్గట్టుగా ముందుకు సాగుతోంది. వరుస సినిమాలకు కమిట్ అవుతూనే టెక్నాలజీని అందిపుచ్చుకునే ప్రయత్నం చేస్తోంది. ఈ నేపథ్యంలో ఆమె ఆన్లైన్ వేదికపై ఓ రియాలిటీ షోకి హోస్ట్గా రానుందనే వార్తలు ఇటీవలి కాలంలో హల్చల్ చేశాయి. అయితే ఆ రియాలిటీ షోని సమంత ఒప్పుకోవడానికి కారణం బడా నిర్మాత అల్లు అరవింద్ అనేది తాజా సమాచారం. వివరాల్లోకి పోతే..
భర్తతో మజిలీ.. డిజిటల్ ప్లాట్ఫామ్స్పైకి ఎంటర్
పెళ్లి తర్వాత తన భర్త నాగచైతన్యతో తెర పంచుకున్న సమంత 'మజిలీ' రూపంలో మరపురాని హిట్ అందుకుంది. ఆ తర్వాత ఓ బేబీ, జాను లాంటి సినిమాలతో అలరించడమే గాక ఇటీవలే డిజిటల్ ప్లాట్ఫామ్స్పై కూడా అడుగుపెట్టింది. 'ది ఫ్యామిలీ మాన్ 2' లో నెగిటివ్ ఛాయలున్న పాత్రలో నటిస్తోంది సమంత.
అరచేతిలో సమంత.. అలా డిసైడ్ అయిన బ్యూటీ
అలా అలా ఇప్పటికే పలు చిత్రాల్లో నటించి వెండితెర క్వీన్ అనిపించుకున్న సమంత.. ఇకపై ప్రతీ ఇంటా, ప్రతీ ఒక్కరి అరచేతిలో ఆటలాడుతూ మెప్పించడానికి రెడీ అయిందట. తన సందడి రెట్టింపు చేస్తూ న్యూ స్టెప్ వేయాలని డిసైడ్ అయిన ఆమె రియాలిటీ షోకి హోస్ట్ బాధ్యతలు తీసుకుందని తెలుస్తోంది.
టెక్నాలజీ వేగం.. ఓటీటీ ప్లాట్ఫామ్స్ జోరు
టెక్నాలజీ బాగా విస్తరిస్తున్న ఈ రోజుల్లో సినిమాలకు సమాంతరంగా డిజిటల్ కంటెంట్పై క్రేజ్ పెరుగుతూ వస్తోంది. నిత్యం బిజీగా వుండే సామాన్యుడు ఆండ్రాయిడ్ ఫోన్ చేతిలోకి వచ్చాక అన్నీ అందులోనే చూసుకోవడం నిజ జీవితంలో చూస్తూనే ఉన్నాం. అందుకే కొత్త కొత్త ఓటీటీ ప్లాట్ఫామ్స్ పుట్టుకొస్తున్నాయి.
అల్లు అరవింద్ ప్లాన్.. హోస్ట్ సమంత
ఈ బాటలోనే బడా నిర్మాత అల్లు అరవింద్ సొంతంగా `ఆహా` పేరుతో డిజిటల్ ప్లాట్ఫామ్ని ఇటీవల ఏర్పాటు చేసిన విషయం తెలిసిందే. దీనికి బ్రాండ్ అంబాసిడర్గా విజయ్ దేవరకొండ ఉన్నారు. ఈ మేరకు ఓ రియాలిటీ షోని ప్లాన్ చేసిన అల్లు అరవింద్.. దానికి హోస్ట్గా చేసేందుకు గాను సమంతను ఒప్పించారట.
స్కెచ్ రెడీ.. సమంత స్పీడ్
ఈ మేరకు సమంతకు భారీ స్థాయిలో రెమ్యునరేషన్ ఆఫర్ చేసినట్టు టాక్. దీంతో అక్కినేని కోడలు కూడా వెంటనే సై అనేసిందని విశ్వసనీయ వర్గాల సమాచారం. ఓ వైపు సినిమాల్లో నటిస్తూనే, మరోవైపు ఆన్లైన్ వేదికపై సత్తా చాటాలని సమంత తన స్కెచ్ రెడీ చేసుకొని ఇలా అడుగులేస్తోందట.
Recommended Video
స్నేహ భర్తతో సామ్ రొమాన్స్..
ఇకపోతే ఇటీవలే జాను ద్వారా కాస్త నిరాశ చెందిన సమంత.. తమిళ హీరో విజయ్ సేతుపతి హీరోగా తెరకెక్కనున్నఓ చిత్రంలో హీరోయిన్గా ఎంపికయ్యిందని సమాచారం. ఇది గాక మరో తమిళ ప్రాజెక్ట్ని ఒప్పుకున్న సామ్, అందులో స్నేహ భర్త నటుడు ప్రసన్న సరసన నటించనుందట.