శైలజారెడ్డి అల్లుడు వాయిదా వెనుక సమంత హస్తం.. అసలు సంగతి అదేనా!

కేరళ వరదలు

ఆగష్టు 31 న శైలజారెడ్డి అల్లుడు చిత్రం విడుదల కావాల్సి ఉంది. కానీ ఈ చిత్ర రీ రికార్డింగ్ పనులు కేరళలో జరుగుతుండడం, అదేసమయంలో అక్కడ వరదలు రావడంతో చిత్రాన్ని వాయిదా వేస్తున్నట్లు ఇటీవల చైతు ప్రకటించాడు.

మంచి అంచనాలతో

ఈ చిత్రంలో రమ్య కృష్ణ శైలజారెడ్డిగా టైటిల్ రోల్ పోషిస్తోంది. అను ఎమ్మాన్యుయేల్ హీరోయిన్ గా నటిస్తోంది. మారుతి దర్శకత్వంపై వస్తున్న ఈ చిత్రంపై మంచి అంచనాలు నెలకొని ఉన్నాయి. క్లీన్ ఫ్యామిలీ ఎంటర్ టైనర్ గా ఈ చిత్రం తెరకెక్కుతోంది.

సమంత ప్రత్యేక శ్రద్ద

ఈ చిత్రం వాయిదా పడడం వెనుక సమంత హస్తం ఉందంటూ వార్తలు వస్తున్నాయి. చైతు ఫిలిం కెరీర్ పై సమంత దృష్ఠి పెట్టిందట. అందుకే శైలజారెడ్డి చిత్ర విషయంలో సమంత ప్రత్యేక శ్రద్ద చూపిస్తోందని అంటున్నారు.

అందుకే వాయిదా

సమంత ఈ చిత్రంలో కొన్ని మార్పులు సూచించడం వలనే విడుదల వాయిదా పడ్డట్లు తెలుస్తోంది. చైతు నెక్స్ట్ లెవెల్ కి వెళ్లాలంటే బ్లాక్ బస్టర్ హిట్ అవసరం. అందుకే శైలజారెడ్డి చిత్ర విషయంలో సమంత జోక్యం చేసుకుంటున్నట్లు తెలుస్తోంది.