Don't Miss!
- News YS Sharmila: వైఎస్ షర్మిలకు ఈసీ షాక్- వివేకా కేసులో వ్యాఖ్యలకు నోటీసులు..!
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Sports SRH playing XI: అతనిపై వేటు..ఢిల్లీతో ఆడే తుదిజట్టు ఇదే
- Lifestyle ఎండాకాలంలో ఈ ఫుడ్స్కు దూరంగా ఉండాలి.. లేదంటే డీహైడ్రేషన్ తప్పదు..
- Automobiles ఈవీ ఓనర్లకు Google Maps గుడ్ న్యూస్.. ఇకపై మీకు ఈ టెన్షన్ ఉండదు.!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
ఎందుకైనా మంచిదని సంపూర్ణేష్ బాబు ని కూడా...
హైదరాబాద్: వరస ఫ్లాపుల్లో ఉన్నవారు తమ తదుపరి చిత్రం కోసం అన్ని జాగ్రత్తలూ తీసుకుంటూంటారు. ప్రస్తుతం అల్లరి నరేష్ పరిస్ధితి అలాగే ఉంది. రీసెంట్ గా వచ్చిన జంపు జిలాని చిత్రం సైతం భాక్సాఫీస్ వద్ద బోల్తా కొట్టడంతో ఎలాగైనా హిట్ కొట్టి తీరాలనే పట్టుదలతో నరేష్ ఉన్నారు. ఈ సారి ఎలాగైనా హిట్ కొట్టడం కోసం ఎన్ని ప్రయత్నాలు చేయాలో,ఎన్ని జాగ్రత్తలు తీసుకోవాలో అన్నీ చేయటం మొదలెట్టారు అల్లరి నరేష్. అందుకోసం తన చిత్రంలో నటించే ప్యాడింగ్ విషయంలోనూ ఆయన ఆచితూచి అడుగులు వేస్తున్నారు. ఆయన చిన్నికృష్ణ తో చేస్తున్న తన తాజా చిత్రం లో సంపూర్ణేష్ బాబు కి ఓ కీలకమైన పాత్ర చేయనున్నారని సమాచారం.
ఈ మేరకు సంపూర్ణేష్ బాబుతో మాట్లాడారని తెలుస్తోంది. నెట్ జనులలో క్రేజ్ తెచ్చుకున్న సంపూర్ణేష్ బాబు తో ఓ వర్గాన్ని ఇట్టే ఆకట్టుకోవచ్చు అని, సోషల్ నెట్ వర్కింగ్ సైట్స్ లో తమ చిత్రానికి ఉచిత ప్రచారం జరిగే అవకాసం ఉందని సంపూర్ణేష్ బాబుని తెచ్చుకున్నట్లు సినీ వర్గాలు చెప్పుకుంటున్నాయి. సంపూర్ణేష్ బాబుని ఓ కీలకమైన పాత్రలో ఈ చిత్రంలో చూపించనున్నారని, సంపూకి, నరేష్ కి మధ్య వచ్చే సన్నివేశాలు హిలేరియస్ గా ఉంటాయని అంటున్నారు. ఈ చిత్రంతో సంపూర్ణేష్ బాబుకి తెలుగు చిత్ర పరిశ్రమలో సెటిల్ అయినట్లే అని అతని అభిమానులు అంటున్నారు.
మరో ప్రక్క ఈ చిత్రం కోసం... నాగ చైతన్య తో జోష్, ఎన్టీఆర్ తో దమ్ము చిత్రాలు చేసిన కార్తీక తాజాగా చెల్లిలి పాత్ర కమిటై అందరినీ షాక్ కు గురి చేసింది. అదీ అల్లరి నరేష్ నటించే కామెడీ సినిమాలో అనే సరికి అందరూ ఆశ్చర్యపోతున్నారు. వీడు తేడా దర్శకుడు చిన్ని కృష్ణ దర్శకత్వంలో అమ్మిరాజు నిర్మిస్తున్న ఎంటర్టైనర్ లో ఆమె కీలక మైన పాత్రకు ఎంపికైంది. విలన్ ని ప్రేమించే పాత్రలో ఆమె కనిపించనుంది. ఈ పాత్ర కోసం ఎడ్వెంచర్స్ చేస్తుందని తెలుస్తోంది. అలాగే నరేష్ సరసన మోనాల్ గజ్జల్ కనిపించనుంది.
కామెడీ చిత్రాలు అంటే భాక్సీఫీస్ వద్ద మినిమం గ్యారెంటీ చిత్రాలు అనే ముద్ర ఉంది. అందులోనూ ఈ మధ్య కాలంలో కామెడీ చిత్రాలకు మరింత ఆదరణ పెరిగింది. ముఖ్యంగా అల్లరి నరేష్ చిత్రాలకు అంటే బయ్యర్లు కళ్ళు మూసుకుని కొనేసారు. అయితే ఇప్పుడు ఇదే హీరో చిత్రాలు అంటే భయపడి పరారవుతున్నారని ఫిల్మ్ సర్కిల్స్ లో వినపడుతోంది. నరేష్ సినిమాలు వరసగా భాక్సాఫీస్ వద్ద ఫెయిల్యూర్ కావటం కారణంగా చెప్తున్నారు. జంప్ జిలాని సైతం నిరాశపరచటంతో పూర్తిగా నరేష్ పై హోప్స్ పోయాయని అంటున్నారు.