మరోసారి విజయ్ దేవరకొండతో సందీప్ రెడ్డి వంగా.. అర్జున్ రెడ్డి కంటే డబుల్ డోస్!!

అర్జున్ రెడ్డి సెన్సేషన్.. గాడిలో పడ్డ హీరో

టాలీవుడ్ ఇండస్ట్రీలో సరికొత్త సెన్సేషన్ క్రియేట్ చేస్తూ విజయ్ దేవరకొండ కెరీర్‌ని గాడిలో పెట్టింది అర్జున్ రెడ్డి మూవీ. ఈ సినిమా తర్వాత వరుసగా గీత గోవిందం, టాక్సీవాలా, డియర్ కామ్రేడ్ లాంటి సినిమాలు చేసి యూత్ ఆడియన్స్ లో క్రేజీ హీరోగా మారాడు విజయ్ దేవరకొండ.

డీలాపడ్డ వరల్డ్ ఫేమస్ లవర్.. లైన్ లోకి సందీప్ రెడ్డి

ఇక ఇటీవలే వచ్చిన విజయ్ దేవరకొండ మూవీ 'వరల్డ్ ఫేమస్ లవర్' ఆశించిన మేర ఫలితం రాబట్టలేకపోయింది. భారీ అంచనాల నడుమ విడుదలైన ఈ మూవీ బాక్సాఫీస్ కలెక్షన్స్ రాబట్టడంలో డీలా పడింది. సరిగ్గా ఈ తరుణంలో మరోసారి సందీప్ రెడ్డి వంగా పేరు లైన్ లోకి రావడం ఆయన అభిమానుల్లో నూతనోత్సాహం నింపుతోంది.

పక్కా క్రైమ్ డ్రామా.. హ్యాండిచ్చిన బాలీవుడ్ హీరో

ఇటీవలే బాలీవుడ్ లో కబీర్ సింగ్‌తో హిట్ పట్టేసిన సందీప్ రెడ్డి వంగా.. తన తదుపరి సినిమాను కూడా బాలీవుడ్ లోనే చేయాలనుకున్నాడు. ఈ మేరకు సూపర్ స్టార్ రణ్ బీర్ కపూర్‌తో పక్కా క్రైమ్ డ్రామా రూపొందించాలని ఫిక్స్ అయ్యాడు. అసలైన క్రైమ్ సినిమా అంటే ఎలా ఉంటుందో ఈ చిత్రంతో చూపిస్తానని ఛాలెంజ్ కూడా చేశాడు సందీప్ రెడ్డి వంగా. కానీ కొన్ని అనివార్య కారణాల వల్ల రణ్ బీర్ కపూర్‌ ఈ సినిమా చేయనని చెప్పాడు.

ఎప్పుడూ సిద్ధమే.. విజయ్ స్టేట్‌మెంట్

దీంతో ఇదే స్క్రిప్ట్‌ని విజయ్ దేవరకొండతో చేయాలని చూస్తున్నాడట సందీప్. మాస్ ఎలిమెంట్స్ పుష్కలంగా ఉన్న ఈ స్క్రిప్ట్‌లో విజయ్ బాగా సూట్ అవుతాడని భావించి, ఆయనతో ఈ క్రైమ్ డ్రామా చేయాలని భావిస్తున్నారట సందీప్. మరోవైపు తన కెరీర్‌లో అతిపెద్ద బ్రేక్ ఇచ్చిన సందీప్‌తో కలిసి పనిచేయడానికి ఎప్పుడూ సిద్ధమే ఇప్పటికే విజయ్ దేవరకొండ చెప్పాడు కూడా. పైగా ఇప్పుడు కెరీర్ డైలమాలో ఉంది కాబట్టి ఈ మూవీకి విజయ్ ఓకే చెప్పే అవకాశాలే ఎక్కువ.

Vijay Deverakonda,Deepika Padukone Spotted @ Mumbai Airport | Filmibeat Telugu

ఫైటర్‌గా విజయ్..

ప్రస్తుతం విజయ్ దేవరకొండ ఫైటర్ సినిమాతో బిజీగా ఉన్నాడు. పూరి జగన్నాథ్ దర్శకత్వంలో రూపొందుతున్న ఈ సినిమాలో విజయ్ సరసన అనన్యపాండే హీరోయిన్ గా నటిస్తోంది. ఈ సినిమా పూర్తికాగానే శివ నిర్వాణతో విజయ్ సినిమా చేయాల్సి ఉంది. కానీ శివ కూడా టక్ జగదీష్ తో బిజీగా ఉన్నాడు కాబట్టి ఈ లోగా సందీప్‌తో విజయ్ సినిమా పూర్తిచేస్తాడని టాక్.