'సరిలేరు నీకెవ్వరు' టీమ్ ప్లాన్.. ప్రీ రిలీజ్ ఈవెంట్ రేంజ్‌ ఎలా ఉండనుందంటే!

మహేష్ బాబు సలహా.. ఇన్‌సైడ్ టాక్

జ‌న‌వ‌రి 11న 'స‌రిలేరు నీకెవ్వ‌రు' విడుదల కానున్న నేపథ్యంలో జ‌న‌వ‌రి 5వ తేదీన భారీ ఎత్తున ఈ సినిమా ప్రీ రిలీజ్ ఈవెంట్ నిర్వహించాలని ప్లాన్ చేస్తున్నారట దర్శకనిర్మాతలు. మునుపెన్నడూ ఏ సినిమాకు లేని విధంగా అట్టహాసంగా ఈ ఈవెంట్ నిర్వహించాలని మహేష్ బాబు చెప్పారని ఇన్‌సైడ్ టాక్. ముఖ్య అతిధిగా కూడా ఓ స్టార్ హీరోను ఆహ్వానించాలని చూస్తున్నారట.

మహేష్ బాబు కెరీర్ లోనే ఘనమైన ఈవెంట్

మహేష్ బాబు కెరీర్ లోనే అత్యంత ఘనంగా జరిగింది 'భరత్ అనే నేను' ప్రీ రిలీజ్ ఈవెంట్. హైదరాబాద్ ఎల్‌బీ స్టేడియంలో జరిగిన ఈ వేడుకలో ఎన్టీఆర్ ముఖ్య అతిధిగా విచ్చేసి సందడి చేశారు. ఈ వేడుకకు భారీ సంఖ్యలో జనం తరలివచ్చారు.

'మహర్షి' సమయంలో అనుకున్నారు కానీ..

ఆ తర్వాత మహేష్ కెరీర్‌లో 25వ సినిమాగా వచ్చిన 'మహర్షి' సినిమా సమయంలో కూడా ఘనంగా ప్రీ రిలీజ్ ఈవెంట్ నిర్వహించారు. కానీ ఈ ఈవెంట్ 'భరత్ అనే నేను' ప్రీ రిలీజ్ ఈవెంట్‌ని మించి జరగలేదు. అందుకే ఇప్పుడు 'సరిలేరు నీకెవ్వరు' సినిమా ఈవెంట్ సర్వ హంగులతో చేయాలని భావిస్తున్నారట.

పబ్లిక్ ఈవెంట్.. లక్షలాది అభిమానుల సమక్షంలో

గతంలో ఎన్నడూలేని విధంగా ఈ ప్రీ రిలీజ్ ఈవెంట్ నిర్వహించాలని సన్నాహాలు జరుగుతున్నాయట. పబ్లిక్ ఈవెంట్ గా నిర్వహించి లక్షలాది అభిమానుల సమక్షంలో ఈ వేడుక జరగాలని 'సరిలేరు నీకెవ్వరు' సినిమా యూనిట్ భావిస్తోందట. ఈ మేరకు అందుకు తగిన ఏర్పాట్ల గురించి ఆలోచిస్తున్నట్లు తెలుస్తోంది.

Arjun Suravaram Movie Review | Samantha In Family Man Season 2

'సరిలేరు నీకెవ్వరు' మూవీ

అనిల్ రావిపూడి దర్శకత్వంలో తెరక్కుతున్న 'సరిలేరు నీకెవ్వరు' సినిమాలో మహేష్ బాబు సరసన రష్మిక మందన్న హీరోయిన్‌గా నటిస్తోంది. విజయశాంతి కీలక పాత్ర పోషిస్తోంది. దేవిశ్రీ ప్ర‌సాద్ సంగీతం అందించిన ఈ సినిమా సంక్రాంతి కానుకగా ప్రేక్షకుల ముందుకు రానుంది.