మార్చాల్సిందే?: 'సైరా'పై చిరుకు అసంతృప్తి.. స్పెషల్ ఇంట్రెస్ట్‌తో అతన్ని పిలిచారట..

విషయమేంటి?:

స్క్రిప్టు విషయంలో అసంతృప్తితో ఉన్న చిరంజీవి.. అర్జెంటుగా అందులో మార్పులు-చేర్పులు చేయాల్సిందిగా దర్శకుడికి సూచించారట. దీంతో వెంటనే రచయితలు పరుచూరి బ్రదర్స్, డైలాగ్ రైటర్ సాయిమాధవ్ బుర్రాను రంగంలోకి దించారట.

'సైరా' ఇన్‌సైడ్ టాక్: ఇదీ జరుగుతోంది.. అందుకే చిరంజీవి ఆ లుక్?..

చిరంజీవి స్పెషల్ ఇంట్రెస్ట్‌..:

ప్రతిష్టాత్మకంగా తెరకెక్కుతున్న ఈ సినిమాకు.. ఆ స్థాయి డైలాగ్స్ సరిగ్గా కుదరలేదట. అందుకే సాయిమాధవ్‌ను కూర్చోబెట్టి స్పెషల్ ఇంట్రెస్ట్‌తో చిరంజీవి డైలాగ్స్ రాయించుకుంటున్నారట. ఇక కథ విషయంలో పరుచూరి బ్రదర్స్.. అక్కడక్కడ మార్పులు చేర్పులు మొదలుపెట్టారని తెలుస్తోంది.

రెండో షెడ్యూల్:

ఇప్పటికే మొదటి షెడ్యూల్ పూర్తి చేసిన చిత్ర యూనిట్.. ఫిబ్రవరి నుంచి రెండో షెడ్యూల్‌కు వెళ్లనుంది. ఈలోగా స్క్రిప్టును పక్కాగా రెడీ చేసి చిరంజీవితో మరోసారి మాట పడవద్దని భావిస్తున్నాడట దర్శకుడు.

కథపై వివాదం:

స్క్రిప్టు సంగతి పక్కనపెడితే.. 'ఉయ్యాలవాడ నరసింహారెడ్డి' జీవిత చరిత్ర కూడా వివాదాస్పదమవుతుండటం గమనార్హం. 'సైరా'లో చూపించబోతున్నట్లు ఆయనేమి దేశభక్తుడు కాదని, ఒక దోపిడీ దొంగ అని నెక్కంటి శ్రీనివాసరావు అనే ఓ వ్యక్తి మీడియా ముందుకు వచ్చారు.

ఉయ్యాలవాడపై ఆరోపణలు..:

ఉయ్యాలవాడ నరసింహారెడ్డి ఒక దొంగ అని, దోపిడీదారుడని నెక్కంటి శ్రీనివాసరావు ఆరోపిస్తున్నారు. తాత నుంచి వారసత్వంగా రావాల్సిన 11 రూపాయలను బ్రిటీష్‌వాళ్లు ఉయ్యాలవాడ నరసింహారెడ్డికి ఇవ్వలేదని.. ఆ కక్షతో దారి దోపిడీకి తెగబడ్డాడని అంటున్నారు. ఆయన స్వాతంత్ర్య సమరయోధుడు కాదని, అలాంటి వ్యక్తి పట్టుకుని దేశభక్తుడిగా చూపించవద్దని ఆయన వాదిస్తున్నారు.

చిరు గురువుగా అమితాబ్..:

'సైరా'లో చిరంజీవికి జోడీగా నయనతార నటిస్తుండగా.. బాలీవుడ్‌ నటుడు అమితాబ్‌ బచ్చన్‌ చిరంజీవికి గురువు పాత్రలో నటించనున్నట్లు సమాచారం. కొణిదెల ప్రొడక్షన్‌ సంస్థలో రాంచరణ్ ఈ సినిమాను నిర్మిస్తున్నారు. ఈ ఏడాదిలోనే సినిమా విడుదలకు ప్లాన్ చేస్తున్నారు.