హాట్ టాపిక్: చిరంజీవి కోసం రాజమండ్రిలో వెతుకులాట! ఇదీ విషయం..

రాజమండ్రి పరిసరాల్లో కొరటాల పరిశీలన

ఇటీవలే 'సైరా నరసింహా రెడ్డి' సినిమాతో తన కోరిక తీర్చుకున్న చిరంజీవి.. తదుపరి సినిమా కోసం రెడీ అవుతున్న సంగతి తెలిసిందే. కొరటాల శివ దర్శకత్వంలో తెరకెక్కనున్న ఈ సినిమా ఇటీవలే పూజా కార్యక్రమాలు పూర్తిచేసుకుంది. అయితే చిరంజీవి చేస్తున్న ఈ సినిమా కోసం రాజమండ్రి పరిసరాలను పరిశీలిస్తున్నారట డైరెక్టర్ కొరటాల.

షూటింగ్ స్టార్ట్.. ఆ వెంటనే రాజమండ్రిలో

మెగాస్టార్ 152 ప్రాజెక్టుగా తెరకెక్కనుంది కొరటాల శివ- చిరంజీవి కాంబో మూవీ. రామ్‌చరణ్, నిరంజన్‌ రెడ్డి నిర్మించనున్న ఈ సినిమా మొదటి షెడ్యూల్‌ డిసెంబర్ 26వ తేదీన హైదరాబాద్‌లో ప్రారంభం కానుంది. పాట చిత్రీకరణతో షూటింగ్ స్టార్ట్ కానుందని తెలుస్తోంది. త్వరత్వరగా ఈ షూటింగ్ ఫినిష్ చేసి రాజమండ్రి వెళ్లనుందట కొరటాల టీమ్.

చిరంజీవి కోసమే ఈ వెతుకులాట

ఈ మేరకు రాజమండ్రిలోని అందమైన లొకేషన్స్ చూసే పనిలో పడ్డారట కొరటాల శివ. ఈ సినిమాలో నాచురల్ లొకేషన్స్‌కే పెద్దపీట వేయాలని భావించిన ఆయన.. రాజమండ్రి పరిసర ప్రాంతాల్లో ఆ లొకేషన్స్ వెతుకులాట ప్రారంభించారని తాజా సమాచారం. ఈ మేరకు త్వరలోనే చిత్రబృందంతో కలసి రాజమండ్రిలో ల్యాండ్‌ కావాలని కొరటాల భావిస్తున్నారట.

నయనతార అనుకున్నారు.. త్రిష ఫైనల్

చిరంజీవి- కొరటాల శివ ప్రాజెక్టు మొదలు కాకముందు నుంచే ఈ సినిమాలో హీరోయిన్ విషయమై వార్తలు వచ్చాయి. నయనతార, త్రిష పేర్లు ఎక్కువగా వినిపించాయి. చివరకు త్రిష ఫైనల్ అయిందని టాక్. త్రిషతో కొరటాల శివ చేసిన సంప్రదింపులు సక్సెస్ కావడంతో ఆమె గ్రీన్ సిగ్నల్ ఇచ్చేసిందందని అంటున్నారు.

Recommended Video

CineBox: Mahesh Babu To Play Gangster | 90ML Movie Review | Disco Raja Teaser Review

కొరటాల స్క్రిప్ట్.. కాన్సెప్ట్ ఇదే

ఇప్పటికే స్క్రిప్ట్ పనులు, ప్రీ ప్రొడక్షన్ వర్క్స్ అన్నీ ఫినిష్ చేశారు కొరటాల శివ. ఈ సినిమా పురాతన దేవాలయాల నేపథ్యంలో తెరకెక్కనుందని తెలుస్తోంది. ఇందులో చిరంజీవి లుక్ మెగా అభిమానులను మెస్మరైజ్ చేయడం ఖాయం అంటున్నారు. మొత్తానికి షూటింగ్ మొదలు కాకముందే మెగా152పై భారీ అంచనాలు నెలకొన్నాయి.