Don't Miss!
- Sports ఐపీఎల్లో అదరగొడుతున్న అన్ క్యాప్డ్ ప్లేయర్లు వీళ్లే..
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- News సెంటిమెంట్ కలిసొస్తే - అదే ఫలితం రిపీట్...!!
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
- Technology ఎయిర్ కండిషనర్ AC ను కొనుగోలు చేయాలని ప్లాన్ చేస్తున్నారా... అయితే ఇవి తెలుసుకోండి..!
- Automobiles కారు ప్రియులకు గుడ్న్యూస్.. భారతీయ మార్కెట్లోకి సరికొత్త కారుతో వస్తోన్న 'ఫోర్డ్'!!
- Lifestyle భార్యా భర్త గొడవపడినా..బంధం బలంగా ముందుకు కొనసాగాలంటే ఇవి పాటించాలి..
అఖిల్ ఏజెంట్ సినిమా కోసం మరో స్టార్ హీరో.. సైరా దర్శకుడు అస్సలు తగ్గట్లేదు!
టాలీవుడ్ ఇండస్ట్రీలో ప్రస్తుతం సక్సెస్ కోసం ఎంతగానో కష్టపడుతున్న హీరోల్లో అక్కినేని అఖిల్ కూడా ఉన్నాడు. అక్కినేని బ్రాండ్ తో వచ్చిన నాగ్ తనయుడు ఇండస్ట్రీలోకి వచ్చి అరేళ్లయినా ఇంకా బాక్సాఫీస్ వద్ద సరైన సక్సెస్ చూడలేదు. ఎలాగైనా హిట్టు కొట్టాలని ఇప్పుడు ఏజెంట్ సినిమాతో సరికొత్తగా ప్రయత్నాలు చేస్తున్నాడు. ఇక ఆ సినిమాలో ఒక స్టార్ హీరో కూడా ప్రత్యేకమైన పాత్రలో నటించనున్నట్లు సమాచారం.
ఎవరు ఊహించలేదు.
అక్కినేని అఖిల్ మొదటి సినిమాతోనే ఊహించని విధంగా డిజాస్టర్ ఎదుర్కొన్నాడు. అసలు సినిమా ఆ రేంజ్ లో ప్లాప్ అవుతుందని ఎవరు ఊహించలేదు. ఆ తరువాత చేసిన హలో, మిస్టర్ మజ్ను సినిమాల కోసం బాగానే కష్టపడినప్పటికి కూడా అనుకున్నంత రేంజ్ లో హిట్టవ్వలేదు.
లాక్ డౌన్ కారణంగా
అఖిల్ నెక్స్ట్ మోస్ట్ ఎలిజిబుల్ బ్యాచిలర్ సినిమాతో రాబోతున్న విషయం తెలిసిందే. బొమ్మరిల్లు భాస్కర్ చాలా కాలం తరువాత డైరెక్ట్ చేసిన ఈ సినిమాను లాక్ డౌన్ కారణంగా వాయిదా వేశారు. అసలైతే జూన్ 19న విడుదల తేదిని ప్రకటించినప్పటికీ కరోనా ప్రభావం వల్ల ఆ సినిమా వాయిదా పడే అవకాశం ఉన్నట్లు తెలుస్తోంది.
ఏజెంట్ కోసం..
ఇప్పటివరకు అయితే మోస్ట్ ఎలిజిబుల్ బ్యాచిలర్ సినిమాకు అనుకున్నంతగా బజ్ అయితే పెరగలేదు. కానీ ఆ తరువాత రాబోయే ఏజెంట్ సినిమాపై మాత్రం అంచనాలు గట్టిగానే ఉన్నాయి. ఫస్ట్ లుక్ తోనే బజ్ పెంచేశారు. సైరా అనంతరం దర్శకుడు సురేందర్ రెడ్డి మళ్లీ తన మాస్ యాక్షన్ ఫార్మాట్ లోకి వచ్చేశాడు. సినిమా కోసం అఖిల్ న్యూ స్టైల్, న్యూ ఫీట్నెస్ తో కనిపించడం హాట్ టాపిక్ గా మారింది.
పవర్ఫుల్ పాత్రలో.. ఉపేంద్ర
ఇక సినిమాలో యాక్షన్ సీన్స్ కోసమే ఎక్కువ బడ్జెట్ పెడుతున్నారట. మొత్తం సినిమా బడ్జెట్ 40కోట్లు దాటనున్నట్లు కథనాలు వెలువడుతున్నాయి. ఇక సినిమాలో మరొక స్టార్ హీరో కూడా నటించనున్నట్లు టాక్ వస్తోంది. కన్నడ స్టార్ హీరో ఉపేంద్ర ఒక పవర్ఫుల్ పాత్రలో నటించనున్నట్లు సమాచారం. ఇంతకుముందు అల్లు అర్జున్ సన్ ఆఫ్ సత్యమూర్తి సినిమాలో ఒక ప్రత్యేకమైన పాత్రలో నటించిన ఉపేంద్ర మళ్ళీ తెలుగు సినిమా చేయలేదు. ఇక ఇప్పుడు అఖిల్ సినిమాలో నటించే అవకాశం ఉన్నట్లు సమాచారం.