స్నేహా ఉల్లాల్ ది కాస్టలీ యవ్వారమే

By Staff

Published: Monday, February 2, 2009, 17:24 [IST]

స్నేహా ఉల్లాలా ఆమెను భరించలేమయ్యా..ఆమెది కాస్టలీ యవ్వారం అంటున్నారు కొందరు నిర్మాతలు పబ్లిగ్గా. ఉల్లాసంగా ఉత్సాహంగా సినిమాతో తెలుగు తెరకు పరిచయమైన ఆమెకు మొదట్లో మంచి డిమాండు వచ్చేసింది. అయితే దాన్ని పూర్తి స్ధాయిలో క్యాష్ చేసుకునే ప్రయత్నాల్లో పడటం కొందరికి మింగుడు పడటం లేదు. ఫిగర్ ఫెరపెక్ట్,కొత్తమ్మాయి కాబట్టి బడ్జెట్ లోనే అయిపోతుందనుకుని వెంటపడుతున్న వారికి ఆమె ఝలక్ ఇస్తోంది. ముఫ్ఫై ఐదు నుండి నలభై దాకా అడిగి కంగారుపెడుతోంది.

అందులోనూ మొన్నా మధ్య జరిగిన ఏసియానెట్ వారి సితార అవార్డ్స్ ఫంక్షన్ కి అటెండవటానికి ఆమె రెండు లక్షలు అడిగిందని తెలియటంతో ఆ అని ఆవలిస్తున్నారు. నాగార్జున, వెంకటేష్, రవితేజ, రామ్ చరణ్, అల్లు అర్జున్, జెనీలియా, త్రిషా వంటివారే పిలవగానే వచ్చారే..అలాంటిది ఆమె పైసా వసూల్ స్క్రీమ్ లో వెళ్ళటం అందరిని నోరు వెళ్ళబెట్టేలా చేసింది. దాంతో ఆమెకు అనుకున్నంతగా ఆఫర్స్ రావటం లేదు. కాస్త చూసి చూడనట్లు పోతేనే కొద్ది రోజులు ఇక్కడ నిలబడతాం అని సీనియర్లు సలహా ఇస్తున్నారు. వింటుందేమో చూద్దాం.

More from Filmibeat