Don't Miss!
- News ముగిసిన నామినేషన్ల పర్వం: బండి సంజయ్ సహా చివరి రోజు నామినేషన్లు వేసింది వీరే
- Sports SRH vs RCB: హమ్మయ్యా.. ప్రశాంతంగా పడుకుంటాం! ఆ గ్రౌండ్తోనే మాకు ఇబ్బంది: ఫాఫ్ డుప్లెసిస్
- Lifestyle ఈ 4 రాశుల వారు ఎల్లప్పుడూ ఇతరులకు రహస్య శ్రేయోభిలాషులు..
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
హిందీ ‘మగధీర’ కి హీరో ఖరారు
ప్రముఖ దర్శకుడు ఎస్ఎస్ రాజమౌళి దర్శకత్వంలో రామ్ చరణ్ హీరోగా నటించిన చిత్రం మగధీర. ఈ సినిమా హిందీ రీమేక్ కి హీరో దొరికాడని బాలీవుడ్ సమాచారం. ప్రచారంలో ఉన్న షాహిద్ కపూర్ నటించనున్నాడనే వార్త నిజమని తేలింది. ఆ మధ్యన ఓ ఇంటర్వ్యూలో షాహిద్ కపూర్ కూడా ‘మగధీర సినిమా చూసాను, నాకు చాలా బాగా నచ్చిందని' అన్నాడు. కానీ తను ఈ సినిమా చేయనున్నట్లు మాత్రం ఖరారు చేయలేదు. అయితే తాజాగా అందుతున్న సమాచారం బట్టి హీరోగా అతన్నే ఖరారు చేసారని తెలుస్తోంది.
సల్మాన్ ఖాన్ తో కిక్ తీసిన సాజిద్ నదియావాలా మగధీర రీమేక్ రైట్స్ ని కొనుకున్నాడు. అలాగే సాజిద్ ఈ చిత్రాన్ని డైరక్ట్ చేయనున్నారని తెలుస్తోంది. ఈ మేరకు ప్రీ ప్రొడక్షన్ స్టార్ట్ అయినట్లు వినికిడి. టాలీవుడ్ లో రికార్డ్స్ క్రియేట్ చేసిన మగధీర హిందీలో రిమేక్ అయితే ఆ రేంజ్ హిట్ అందుకుంటుందో లేదో చూడాలి..
రీసెంట్ గా ‘హైదర్' సినిమా చేసిన షాహిద్ కపూర్ ఈ క్రేజీ సినిమా ఆఫర్ను సంపాదించాడు. రామ్చరణ్, కాజల్ అగర్వాల్ జోడీతో రాజమౌళి రూపొందించిన బ్లాక్బస్టర్ మూవీ ‘మగధీర' హిందీ రీమేక్లో హీరో పాత్ర అతడిని వరించినట్లు సమాచారం. ఇటీవలే బ్లాక్బస్టర్ హిందీ మూవీ ‘కిక్'తో డైరెక్టర్గా మారిన సాజిద్ నదియడ్వాలా ఈ రీమేక్ హక్కులను పొందాడు.
తాను గత జన్మలో ఓ యువరాణి ప్రేమను చూరగొన్న వీరయోధుడినని తెలుసుకునే ఓ స్టంట్-బైకర్ కథతో రూపొందిన ‘మగధీర' తెలుగులో బాక్సాఫీస్ వద్ద సరికొత్త రికార్డులు సృష్టించింది. ఇప్పుడు ఆ పాత్ర హిందీలో షాహిద్ను వరించింది. కాగా ‘హైదర్' తర్వాత ‘షాందార్' సినిమాని చేయడానికి ఇప్పటికే అతను సంతకం చేశాడు. బహుశా దాని తర్వాత అతను ‘మగధీర' రీమేక్ను చేసే అవకాశాలున్నాయి.