For Quick Alerts
    ALLOW NOTIFICATIONS  
    For Daily Alerts

    'అందాల రాక్షసి' పబ్లిసిటీపై షాక్ చేసే ఖర్చు

    By Srikanya
    |

    హైదరాబాద్ : రాజమౌళి తొలిసారి నిర్మాతగా మారి ప్రొడ్యూస్ చేసిన 'అందాల రాక్షసి' మూడు వారాల క్రితం విడుదలైన సంగతి తెలిసిందే. కొత్త దర్సకుడు,కొత్త ఆర్టిస్టులతో రూపొందిన ఈ చిత్రం పై పబ్లిసిటీకి షాకింగ్ అయ్యే రేంజిలో ఖర్చు పెట్టారని ట్రేడ్ వర్గాల్లో వినపడుతోంది. ఈ మద్య కాలంలో ఏ సినిమాకి రానంత ఓపినింగ్స్ రప్పించుకున్న ఈ చిత్రానికి పబ్లిసిటీపై విపరీతంగా ఖర్చుపెట్టడమే కారణం అంటున్నారు. ఇండస్ట్రీలో వినపడేదాన్ని బట్టి ఈ చిత్రానికి కోటి యాభై లక్షల వరకూ పబ్లిసిటీకి ఖర్చు పెట్టారని చెప్తున్నారు. అందులో డబ్బై లక్షలు కేవలం టీవీ ఛానెల్ వారికి యాడ్స్ రూపంలో ఇచ్చారని అంటున్నారు. చిన్న చిత్రానికి ఇది షాకింగ్ పబ్లిసిటీ బడ్జెట్ అంటున్నారు.

    ఇక ఈ చిత్రం విడుదల రోజున నెటిటివ్ రివ్యూలతో బ్యాడ్ టాక్ వచ్చింది. హను రాఘవపూడి దర్శకత్వంలో తెరకెక్కిన చిత్రం 'అందాల రాక్షసి'. ఈ చిత్రంలో రాజమౌళి షేర్ తీసుకున్నారు. ఆయన ప్రమోషన్ లో కూడా విరివిగా పాల్గొన్నారు. దర్సకుడు మాట్లాడుతూ.. సినిమా ప్రారంభమైన రోజు నుంచి అత్యంత శ్రద్ధతో ఈ చిత్రాన్ని తీర్చిదిద్దాం. అందరూ చాలా నేచురల్‌గా నటించారు. నా నమ్మకమే నాకు శక్తినిచ్చింది. రాజమౌళిగారు, దిల్‌రాజుగారు ఈ సినిమాలో భాగమైనందుకు ఆనందంగా ఉంది. అందాల రాక్షసి హిట్టవుతుందన్న నమ్మకం మొదటి నుంచీ ఉంది అన్నారు.

    ఇక ఈ చిత్రం లాభాల మాట ఏమో కానీ....అందాల రాక్షసి చిత్రంతో దర్శకుడుగా పరిచయమైన హను రాఘవపూడి తన తదుపరి ప్రాజెక్టుకు రంగం సిద్దం చేసుకుంటున్నారు. ఆ చిత్రంలో హీరోగా వరస ప్లాఫుల హీరో దగ్గుపాటి రానా నటించే అవకాసం ఉందని తెలుస్తోంది. అందాల రాక్షసి చిత్రం చూసిన రానా వెంటనే ఈ దర్శకుడుతో పనిచేయటానికి ఆసక్తి చూపించినట్లు చెప్తున్నారు. దాంతో రానాని కలిసిన హను ఓ స్టోరీలైన్ చెప్పటం..వెంటనే ఓకే చేయటం జరిగిందని వినికిడి.

    అలాగే 'అందాల రాక్షసి' చిత్రం ద్వారా తెలుగు తెరకు పరిచయమైన హీరోయిన్ లావణ్య త్రిపాటి....ఆ సినిమా పెద్దగా విజయం సాధించక పోయినా మంచి అవకాశాలే దక్కించుకుంటోంది. తాజాగా అందిన సమాచారం ప్రకారం ఈ భామ ప్రభాస్-రాజమౌళి కాంబినేషన్లో రూపొందబోయే చిత్రంలో చాన్స్ దక్కించుకున్నట్లు తెలుస్తోంది. అందాల రాక్షసి చిత్రంలో ఆమె పెర్ఫార్మెన్స్ నచ్చి రాజమౌళి ఈ నిర్ణయానికి వచ్చినట్లు తెలుస్తోంది. గబ్బర్ సింగ్ హీరోయిన్ శృతి హాసన్ ఈచిత్రంలో మెయిన్ హీరోయిన్ గా చేయనుంది. సోసియో ఫాంటసీ నేపథ్యంలో ఈ చిత్రంలో ప్రభాస్ సరికొత్త గెటప్ తో కనిపించనున్నాడు.

    English summary
    Eega producer Sai Korrapti’s second production venture ‘Andala Rakshasi’has been carrying positive buzz in the Industry. Latest we hear is that, the makers have been spent Rs. 1.5 crores for the film promotions. It is heard that, they have spent around Rs. 70 lakhs only for TV advertisements. This is shocking budget for a small film. Radhan scored music for the film and the audio was a big hit.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X