ఎన్టీఆర్-త్రివిక్రమ్ మూవీలో ‘సాహో’ హీరోయిన్?

ఎన్టీఆర్ సరసన ‘సాహో’ హీరోయిన్

ప్రభాస్ మూవీ ‘సాహో' ద్వారా తెలుగు ప్రేక్షకులకు పరిచయం కాబోతోన్న బాలీవుడ్‌ నటి శ్రద్ధా కపూర్‌ ఇప్పుడు ఎన్టీఆర్‌కు జోడీగా ఎంపికైనట్లు ఫిల్మ్ నగర్లో వార్తలు వినిపిస్తున్నాయి.

శ్రద్ధాను కలిసిన త్రివిక్రమ్

దర్శకుడు త్రివిక్రమ్‌ ఇటీవలే శ్రద్ధా కపూర్‌ను కలిశారని, ఆమెకు కథ వినిపించారని వార్తలు వినిపిస్తున్నాయి. ఆమె ఒప్పుకుందా? లేదా? ఆమెను ఫైనల్ చేశారా? లేదా? అనే విషయంలో చిత్ర యూనిట్ నుండి ఇంకా ఎలాంటి క్లారిటీ రాలేదు.

డిటెక్టివ్ నవల ఆధారంగా

ప్రముఖ రచయిత మధుబాబు రచించిన ఓ డిటెక్టివ్‌ నవల ఆధారంగా దర్శకుడు త్రివిక్రమ్ ఈ సినిమాను తెరకెక్కిస్తున్నారని, యాక్షన్‌ థ్రిల్లర్‌గా ఈ సినిమా ఉండబోతోందని తెలుస్తోంది. మున్ముందు ఎలాంటి ఇబ్బందులు రాకుండా త్రివిక్రమ్ ముందే ఈ నవల రైట్స్ కొనుగోలు చేసినట్లు సమాచారం.

త్రివిక్రమ్ అప్ అండ్ డౌన్స్

స్టార్ రైటర్‌గా ఓ వెలుగు వెలిగిన త్రివిక్రమ్ శ్రీనివాస్ దర్శకుడిగా మారిన తర్వాత పలు చిత్రాలకు దర్శకత్వం వహించారు. అయితే మొదటి నుండి ఆయన కెరీర్ అప్ అండ్ డౌన్స్ తో సాగుతోంది. ఆయన తాజా మూవీ ‘అజ్ఞాతవాసి' బాక్సాఫీసు వద్ద దారుణమైన పరాజయం పాలైంది.