శ్రియ ఫ్రీయా?

By Staff

Published: Wednesday, March 11, 2026, 3:20 [IST]

శ్రియ ఇప్పుడు ఫుల్ బిజి...అయితే సినిమా షూటింగ్ లతో కాదు. బెల్లీడాన్స్ నేర్చుకోవటంలో.. దాని గురించి చెప్పటంలో. హఠాత్తుగా శ్రియకి ఈ వింత ఆలోచన ఎందుకు ఎందుకొచ్చింది అని అనుమానం అందరికి వచ్చింది. దాంతో ఆసక్తి గల కొందరు ఆరా తీసారు.అసలు విషయం కనిపెడదామని ప్రయత్నాలు ప్రారంభించారు.కాని వారికి ఆ అవకాశం ఇవ్వకుండా శ్రియ ఆ గుట్టు విప్పేసింది. ఆమె ఒప్పుకున్న హాలీవుడ్ చిత్రంలో పాత్ర వృత్తి ఓ బెల్లీడాన్స్ కళాకారిణి . ఆ సినిమా పేరు 'అదర్ ఎండ్ ఆఫ్ ది లైన్‌' . ఆ పాత్రలో లీనమవటానికి బెల్లీడాన్స్ నేర్చుకుని బీబత్సంగా ప్రాక్టీస్ చేస్తోందిట. దాంతో పాటు ఈ విషయం నలుగురికి తెలిసేలా బిహేవ్ చేస్తోందిట. అంతేకాకుండా పదే పదే తెలిసిన వాళ్ళ దగ్గర బెల్లీడాన్స్ గురించి క్లాసులు పీకుతోందిట.

"ఆ డాన్స్ చూడడానికి చాలా సులభంగా కనిపిస్తుంది గానీ, చేయడం మాత్రం చాలా కష్టం!" అని బిల్డప్ ఇస్తోందిట. దాంతో వాళ్ళు ఆ ప్రవాహానికి అడ్డు కట్ట వేయాలని 'నవ్వు చెప్పేది కరెక్టే! గాని శివాజీ తర్వాత తమిళంలో నీ మార్కెట్ ఎలా ఉంది" అని ప్రశ్నిస్తున్నారట. దానికామె తమిళంలో తనకి మంచి డిమాండ్ ఉందని, బాలీవుడ్‌లో సైతం ఆఫర్లు వస్తున్నాయని చెప్పుకోస్తోంది. కాని చాలా బిజీగా ఉండటంతో , టైం లేక కొన్ని చిత్రాలకు ఒప్పుకోవడం లేదని చెప్పింది. కానీ తమిళ ఇండస్ట్రీలో మాత్రం ప్రస్తుతం విక్రమ్‌తో నటిస్తోన్న కందస్వామి (తెలుగులో మల్లన్న) చిత్రం తప్ప శ్రియ చేతిలో మరే ప్రాజెక్ట్ లేదని..అందుకే ఈ సోదంతా అని బహిరంగంగానే చెప్పుకుంటున్నారు. అదీ బెల్లీడాన్స్ అసలు మేటర్ .

More from Filmibeat