కమల్ హాసన్ ఇంట్లో త్వరలో పెళ్లి భాజాలు? ప్రియుడితో శృతి హాసన్ వివాహం?

త్వరలో శృతి-మైఖేల్ వివాహం?

త్వరలో శృతి హాసన్, మైఖేల్ వివాహం చేసుకోబోతున్నట్లు వార్తలు వినిపిస్తున్నాయి. ఈ విషయాన్ని ఇద్దరూ కమల్ హాసన్ తో చర్చించినట్లు సమాచారం. అంతా సవ్యంగా జరిగితే త్వరలో కమల్ హాసన్ ఇంట్లో శుభకార్యం చూడబోతున్నాం.

దాపరికాల్లేకుండా తిరిగిన జంట

శృతి హాసన్ ఏ విషయంలో అయినా ఓపెన్ మైండెడ్. ఎలాంటి దాపరికాల్లేకుండా శృతి హాసన్, మైఖేల్ ఇండియాలో చెట్టా పట్టాలేసుకుని తిరిగారు. ఈ క్రమంలోనే ఇద్దరూ వివాహానికి సిద్ధమైనట్లు వార్తలు ప్రచారంలోకి వచ్చాయి.

మైఖేల్‌ను తల్లి సారికకు పరిచయం చేసిన శృతి

శృతి హాసన్ తన ప్రియుడిని ఇటీవలే తన తల్లి సారికకు పరిచయం చేసిందట. దీంతో వీరు వివాహం చేసుకోబోతున్నారని, అందుకే సారికను కలిశారనే వార్తలు ప్రచారంలోకి వచ్చాయి. ఈ ముగ్గురు కలిసి ఉన్న ఫోటో ఇంటర్నెట్లో వైరల్ అయింది.

అధికారిక ప్రకటన రావాల్సి ఉంది

అయితే శృతి హాసన్, మైఖేల్ వివాహంపై అధికారిక సమాచారం అయితే ఏమీ లేదు. కేవలం మీడియాలో వివాహం అంటూ పుకార్లు మాత్రమే వినిపిస్తున్నాయి. అయితే ఈవార్త నిజం అవ్వాలని అభిమానులు కోరుకుంటున్నారు.