‘ఎవడు’ నుంచి సమంత ఔట్, శృతి హాసన్ ఇన్!

హైదరాబాద్: మెగా పవర్ స్టార్ రామ్ చరణ్, దర్శకుడు వంశీ పైడి‌పల్లి కాంబినేషన్లో రూపొందుతున్న 'ఎవడు' చిత్రానికి సంబంధించి తాజాగా ఓ ఆసక్తికరమైన వార్త సినీ సర్క్యూట్‌లో చక్కర్లు కొడుతోంది. ఈ చిత్రంలో హీరోయిన్ గా నటిస్తున్న సమంత స్థానంలో శృతి హాసన్‌ను ఎంపిక చేసారని ఆ వార్తల సారాంశం.

సమంత డేట్స్ ప్రాబ్లమ్ వల్లనే ఇలా జరిగిందనే వార్తలు బలంగా వినిపిస్తున్నాయి. అయితే ఇప్పటి వరకు ఈ విషయమై ఎలాంటి అధికారిక సమాచారం అందలేదు. ఏది ఏమైనా ఇందులో నిజానిజాలు తేలాల్సి ఉంది. ఇప్పటికే 'ఎవడు' షూటింగ్ కొంత పూర్తయింది. ఈ సమయంలో హీరోయిన్ మార్పు అనే వార్త అందరినీ ఆశ్యర్యానికి గురి చేసింది.

ఈ చిత్రంలో సెకండ్ హీరోయిన్‌గా బ్రిటిష్ మోడల్ అమీ జాక్సన్‌ నటిస్తోంది. స్టైలిష్ స్టార్ అల్లు అర్జున్ ఈ చిత్రంలో అతిథి పాత్రలో కనిపించనున్నాడు. ఈచిత్రాన్ని ప్రముఖ నిర్మాత దిల్ రాజు శ్రీవెంకటేశ్వర క్రియేషన్స్ పతాకంపై నిర్మిస్తున్నారు. దేవిశ్రీ ప్రసాద్ సంగీతం అందిస్తున్నారు.

అల్లు అర్జున్, రామ్ చరణ్ కాంబినేషన్ కావటంతో ఈ సినిమాకి మంచి క్రేజ్ వస్తుందని భావిస్తున్నారు. రామ్ చరణ్ 'ఎవడు' చిత్రంతో పాటు ప్యారలాల్ గా వివి వినాయక్ దర్శకత్వంలో 'నాయక్' చిత్రంతో పాటు....... తొలి బాలీవుడ్ చిత్రం 'జంజీర్' చిత్రంలో నటిస్తున్న సంగతి తెలిసిందే.