Don't Miss!
- Finance 9 రోజులుగా 54 శాతం పెరిగిన స్టాక్.. బ్రోకరేజ్ తాజా టార్గెట్ ధర ఇదే.. మీరూ కొంటున్నారా..??
- Sports CSK జట్టులో కొత్త ప్లేయర్: రోహిత్-కోహ్లి వికెట్లు తీసిన ఘనుడు
- News చంద్రబాబు, రేవంత్ రెడ్డి మరోమారు కుమ్మక్కు: ఓటుకు నోటు కేసుపై ఎమ్మెల్యే ఆర్కే సంచలనం
- Technology 24GB వరకు RAM, 50MP సెల్ఫీ కెమెరా, మూడు 50MP వెనక కెమెరాలతో కొత్త ఫోన్ లాంచ్!
- Lifestyle Gruha Pravesham Wishe in Telugu : గృహప్రవేశం శుభాకాంక్షలను ఇలా తెలపండి..
- Automobiles జాన్ అబ్రహం మనసుదోచిన కొత్త బైక్ ఇదే!.. మీరూ చూడండి
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
‘సలార్’ నుంచి షాకింగ్ అప్డేట్: ప్రభాస్తో పాటు ఫైటింగ్కు సిద్ధమైన శృతి హాసన్
పాన్ ఇండియా స్టార్ ప్రభాస్ నటిస్తోన్న తాజా చిత్రం 'సలార్'. సెన్సేషనల్ డైరెక్టర్ ప్రశాంత్ నీల్ తెరకెక్కిస్తోన్న ఈ సినిమా షూటింగ్ మొదటి షెడ్యూల్ విజయవంతంగా పూర్తైంది. రెండో దానిని ప్రారంభించే లోపు కరోనా సెకెండ్ వేవ్ వచ్చింది. దీంతో షూటింగ్ నిలిచిపోయింది. దీంతో సినిమా విడుదల పైనా దీని ప్రభావం పడుతుందని అంతా అనుకున్నారు. అయితే, ఇప్పుడు పరిస్థితులు చక్కబడడంతో షూటింగ్ను పున: ప్రారంభించబోతున్నారు. ఇలాంటి పరిస్థితుల్లో తాజాగా ఈ సినిమా గురించి ఓ షాకింగ్ న్యూస్ ఫిలిం నగర్ ఏరియాలో విపరీతంగా వైరల్ అయిపోతుంది.
పూర్తి స్థాయి యాక్షన్ ఎంటర్టైనర్గా రాబోతున్న 'సలార్' మూవీలో హాట్ బ్యూటీ శృతి హాసన్ హీరోయిన్గా నటిస్తోన్న విషయం తెలిసిందే. ఇందులో ఆమె ఇన్వెస్టిగేటివ్ జర్నలిస్టుగా నటిస్తుందని ఎఫ్పటి నుంచో ప్రచారం జరుగుతోంది. తాజా సమాచారం ప్రకారం.. ఇందులో శృతి హాసన్ పాత్ర ఎంతో హైలైట్గా ఉంటుందట. అంతేకాదు, ఆమెతో యాక్షన్ సీన్స్ కూడా చేయించబోతున్నారట. ఇందుకోసం ఈ బ్యూటీ మార్షల్ ఆర్ట్స్లో శిక్షణ కూడా తీసుకోబోతుందన్న టాక్ వినిపిస్తోంది. అంటే ఈ సినిమాలో ప్రభాస్తో కలిసి ఆమె కూడా ఫైటింగ్ సీన్స్ చేయనుందన్న మాట.
ఎంతో ప్రతిష్టాత్మకంగా రాబోతున్న 'సలార్' మూవీలో ప్రభాస్ డుయల్ రోల్ చేస్తున్నట్లు ఇప్పటికే ఓ న్యూస్ వైరల్ అవుతోంది. అందులోనూ అతడు తండ్రి కొడుకుగా కనిపించనున్నాడట. ఇక, ఈ మూవీ కథపై ఎన్నో పుకార్లు షికార్లు చేస్తున్నాయి. కానీ, దేనీ పైనా క్లారిటీ మాత్రం రావడం లేదు. దీంతో ఈ మూవీ తరచూ ట్రెండింగ్ అవుతోంది. ఈ భారీ యాక్షన్ మూవీని హొంబళే ఫిల్మ్ సంస్థ నిర్మిస్తోంది. ఈ సినిమాను రవి బస్రూర్ సంగీతం అందిస్తున్నాడు. దీన్ని 2022 ఏప్రిల్ 14న ప్రేక్షకుల ముందుకు తీసుకు రాబోతున్నారు.