For Quick Alerts
    ALLOW NOTIFICATIONS  
    For Daily Alerts

    సిద్దార్ధ కి అంత సీనుందా?

    By Staff
    |

    Siddartha
    తెలుగు తెరపై రొమాంటిక్ కలలు పండించే సిద్దార్ధ తన రెమ్యునేషన్ రెండు కోట్ల దాకా పెంచేసాడని సమాచారం. దాంతో అతనితో అనుకున్న సినిమాలన్నీ అతని డూప్ లా ఉండే వరుణ్ సందేష్ తో లాగించేస్తున్నారు. అందులోనూ ఈ మద్యనే రిలీజైన కొంచెం ఇష్టం కొంచెం కష్టం సినిమా నిర్మాతలకు భరించలేని కష్టంగా మారింది. దాంతో పెద్ద నిర్మాతలు సైతం అంత రేటు అతనిపై పెట్టడం అనవసరమని అంత సీన్ లేదని బహిరంగంగానే కామెంట్స్ చేస్తున్నారు. దర్శకులు కూడా సిద్దార్ద ప్రతీ విషయంలోనూ వేలు పెడతాడని విసిగి పోయి ఉన్నామని, అందుకే అతన్ని ప్రక్కన పెడుతున్నారని చెప్తున్నారు. ఇవన్నీ ఇలా ఉంటే తాజాగా లగడపాటి శ్రీదర్ తన తర్వాత చిత్రానికి సిద్దార్ద హీరోగా తీసుకుందామనే నిర్ణయానికి వచ్చారని సమాచారం.

    రెండు కోట్లు మేం ఇవ్వమని కోటి అరవై లక్షలు ముట్టచెప్పుతామని ఎగ్రిమెంట్ చేసుకున్నారని చెప్తున్నారు. మరో ప్రక్క లగడపాటి త్వరలో మధుర శ్రీదర్ దర్శకత్వంలో స్నేహ గీతం అనే చిత్రం నిర్మిస్తున్నారు. యువత మనో భావాలుకు అద్దం పడ్తుందంటూ చెప్తున్న ఈ చిత్రం ఆడియో త్వరలో విడుదల కానుంది. ఏదైమైనా సిధ్దార్దకి అంత రేటు ఇచ్చి సినిమా చేసినా అంత రేంజిలో హిట్టు అవటం లేదని, అతని కోసం ధియోటర్ కొచ్చే యూత్ ని బట్టే రెమ్యునేషన్ ఉంటుందంటున్నారు. ఇవన్నీ ఇలా ఉంటే తాజాగా సిద్దార్ద తన గర్ల్ ప్రెండ్ సోహా అలీ ఖాన్ తో విడిపోయాడు. అసలే డిమాండు లేక బాధ పడ్తూండే ఇది మరో దెబ్బే. ప్రస్తుతం అతను ఓయ్ చిత్రంలో నటిస్తున్నాడు. బేబి షామిలి ఈ చిత్రంతో హీరోయిన్ గా పరిచయం అవుతోంది.

     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X