ప్రముఖ తెలుగు నటుడి కూతురితో హీరో శింబు పెళ్లి ?

తమిళ స్టార్ శింబు ప్రస్తుతం థగ్ లైఫ్, ఎస్టీఆర్ 48 సినిమాల్లో నటిస్తున్నారు. ఎస్టీఆర్ 48కి పెరియసామి దర్శకత్వం వహిస్తున్నారు. ఈలోగా తన సినిమాలో నటించనందుకు శింబుపై చర్యలు తీసుకోవాలని నిర్మాత ఇషారీ గణేష్ నిర్మాతల సంఘంలో ఫిర్యాదు చేశారు. ఈ నేపధ్యంలో శింబు త్వరలో పెళ్లి పీటలు ఎక్కబోతున్నాడనే కొత్త వార్త కోలీవుడ్ లో చక్కర్లు కొడుతోంది. అది కూడా తెలుగు అమ్మాయిని. మరి ఈ హీరో ఎవరిని పెళ్లాడబోతున్నాడో తెలుసుకుందాం.

బాలనటుడిగా తెరంగేట్రం చేసిన శింబు హీరోగా కూడా అదరగొట్టాడు. అలాగే హీరోగా ఎన్నో వివాదాలను ఎదుర్కొన్నాడు. అందులో ముఖ్యమైన విషయం ఏమిటంటే అతను రెగ్యులర్‌గా షూటింగ్ స్పాట్‌కి రాడు. ఈ వివాదాల నేపథ్యంలో అవకాశాలు తగ్గగా, ఇప్పుడు అతను రెండవ ఇన్నింగ్స్ ప్రారంభించాడు. ఈ సారి ఆ వివాదాలకు స్వస్తి చెప్పేందుకు అనుకున్న సమయానికి షూటింగ్ స్పాట్‌కు చేరుకుంటున్నాడు.

ఇక సెకండ్ ఇన్నింగ్స్‌లో రెండు సూపర్ హిట్ చిత్రాలలో నటించాడు. ప్రస్తుతం శింబు తన 48వ చిత్రంలో నటించబోతున్నాడు. ఈ మూవీని కమల్ హాసన్ నిర్మించగా, దేశింగు పెరియసామి దర్శకత్వంలో తెరకెక్కుతోంది. ఇప్పటికే ఈ మూవీ అఫిషియల్ ప్రకటనతో పాటు ఫస్ట్ లుక్ కూడా విడుదలైంది. కానీ ఈ సినిమా షూటింగ్ ఇంకా ప్రారంభం కాలేదు.

మరోవైపు మణిరత్నం దర్శకత్వంలో కమల్ హాసన్ నటిస్తున్న థగ్ లైఫ్ చిత్రంలో శింబు ఒక ముఖ్యమైన పాత్ర పోషిస్తున్నాడు. ఈ సినిమా షూటింగ్‌లో పాల్గొంటూ ప్రస్తుతం బిజీగా ఉన్నాడు. తాజాగా ఆయన పాత్ర పరిచయానికి సంబంధించిన వీడియో విడుదలైంది.

ఇంతలో మరో వివాదంలో చిక్కుకున్నాడు. గోకుల్ దర్శకత్వంలో కరోనా కుమార్ చిత్రంలో నటించడానికి శింబు నిర్మాత ఈసరి గణేష్ నుండి అడ్వాన్స్ తీసుకున్నాడు. కానీ ఆ సినిమాలో నటించలేదు. ఈ విషయమై నిర్మాతల సంఘానికి ఇషారీ గణేష్ ఫిర్యాదు చేశారు.

ఇదిలా ఉండగా శింబు ఇంకా పెళ్లి చేసుకోలేదు. వల్లభన్‌లో నటిస్తున్న టైమ్ లో నయనతారతో ప్రేమలో పడ్డాడు. అయితే ఆ ప్రేమ బ్రేకప్‌ తో ముగిసింది. ఆ తర్వాత హన్సిక మోత్వానితో ప్రేమలో పడ్డాడు. ఆ ప్రేమ కూడా సగంలోనే ముగిసిపోయింది. శింబు ప్రేమించిన నయనతార, హన్సిక మోత్వాని ఇద్దరూ వేరే వ్యక్తులను పెళ్లి చేసుకుని సెటిల్ అయ్యారు. అయితే శింబు ఇంకా పెళ్లి చేసుకోకుండా ఒంటరిగానే ఉన్నాడు.

ఈ నేపథ్యంలోనే శింబు ఎప్పుడు పెళ్లి చేసుకుంటాడు అనేది ఆయన అభిమానుల్లో పెద్ద ప్రశ్నగా మారింది. ఈ నేప‌థ్యంలో ఆయ‌న పెళ్లికి సంబంధించిన కొత్త స‌మాచారం బ‌య‌టికి వ‌చ్చింది. దీని ప్రకారం తెలుగులో ప్రముఖ నటుడి కూతురిని శింబు పెళ్లి చేసుకోబోతున్నాడు. త్వ‌ర‌లోనే దీనికి సంబంధించిన అఫీషియ‌ల్ ప్రకటన వెలువ‌డ‌నున్న‌ట్లు చెబుతున్నారు.

మరోవైపు శింబు పెళ్లి చేసుకోబోతున్నట్లు గతంలో చాలా వార్తలు వచ్చాయి. కానీ చివరికి అవి కేవలం పుకార్లుగానే మిగిలిపోయాయి. దాంతో ఆయన అభిమానులు సోషల్ మీడియాలో వైరల్ అవుతున్న ఈ సమాచారం నిజమా లేక కేవలం పుకార్లేనా అనే సందిగ్ధంలో పడ్డారు. మరి ఈసారైనా శింబు పెళ్లి జరుగుతుందో లేదో వేచి చూద్దాం.