పెళ్ళంటే నో అంటున్న దర్శకుడు

By Staff

| Published: Monday, May 12, 2008, 17:37 [IST]

'ఖుషి,నాని 'చిత్రాలతో తెలుగు వారికి దగ్గరైన తమిళ దర్శకుడు యస్.జె.సూర్య. తన భాషలో హీరోగా కూడా నటించి వెరైటీ చిత్రాలకు చిరునామాగా మారాడు. కెరీర్ సెటిలై సంపాదనలో పడ్డా పెళ్ళి ఊసు మాత్రం ఎత్తటం లేదు. బ్యాచిలర్ గానే ఉండటానికి ఇష్టపడుతన్నాడు. ఈ మథ్య బహిరంగంగానే తనకి పెళ్ళంటే ఇష్టం లేదని తేల్చిచెప్పేసాడుట. కారణమేమిటని అడిగితే తనకు చిత్రరంగం అంటే అమితమైన ప్రేమ అని...ఎంతో కష్టపడితే ఈ స్టేజీకి రాగలిగానని..మిసెస్ వస్తే ఆ భాథ్యతలలో పడి సినిమాను మిస్సవుతానని స్పష్టంగా స్పష్టం చేస్తున్నాడట.

అలాగే ఎవరూ ఈ విషయంలో సలహాలివ్వద్దని..ఎవరి మాటా విననని ఖరాఖండిగా తేల్చేసాడుట. గతంలో కొంతమంది హీరోయిన్లతో మీకున్న సంభందాలు పెళ్ళికి అడ్డువస్తున్నాయా అంటే 'నో కామంట్' అని తప్పించుకుంటున్నాడట. ఇదంతా బాగానే ఉంది గాని పెళ్ళి కాకుండా ఎంత కాలం ఇలా ఉంటాడు. 'అయినా ఏదో సాగుతుంటే ఇంక పెళ్ళెందుకు ?' అన్న సామెత ఇలాంటి వాళ్ళని చూసే పుట్టించి ఉంటారంటున్నారు ఇది విన్న తమిళ పరిశ్రమ పెద్దలు. ప్రస్తుతం సూర్య 'మున్రమ్ వీథి' సినిమాలో నటిస్తున్నాడు. పవన్ పులి సినిమాకు స్క్రిప్ట్ వండుతున్నాడు.