పార్టీ సాంగ్ : రూ. 6 కోట్లు వసూలు చేస్తున్న సోనాక్షి?

By Bojja Kumar

Published: Wednesday, August 21, 2013, 11:56 [IST]

ముంబై : బాలీవుడ్ స్టార్ హీరో అక్షయ్ కుమార్, హాట్ హీరోయిన్ సోనాక్షి సిన్హా కలిసి ఇప్పటి వరకు 3 చిత్రాల్లో కలిసి నటించారు. తాజాగా సోనాక్షి అక్షయ్ కుమార్ సినిమాలో ఐటం సాంగు చేయడానికి రెడీ అవుతోందట. బాలీవుడ్ నుంచి అందుతున్న సమాచారం ప్రకారం అక్షయ్ కుమార్ నటిస్తున్న 'బాస్' సినిమాలో సోనాక్షి ఐటం సాంగు చేయనుందట.

ఇదొక నైట్ పార్టీ సాంగ్ అని, ఇందులో సోనాక్షి హాట్ అండ్ సెక్సీ లుక్‌తో దర్శనం ఇవ్వనుందని తెలుస్తోంది. ఈ సాంగ్ మాస్ ప్రేక్షకులను ఆకట్టుకునే విధంగా మాంచి మసాలా దట్టించి ఉంటుందని....ట్యూన్స్ కూడా ఊపు తెచ్చే విధంగా ఉంటాయని బాలీవుడ్ వర్గాలు అంటున్నాయి.

మరో ముఖ్య విషయం ఏమిటంటే...ఈ సాంగుకు సోనాక్షి రూ. 6 కోట్ల రెమ్యూనరేషన్ తీసుకుటోందట. ఈ సాంగును ఎంత గ్రాండ్‌గా చిత్రీకరిస్తున్నారంటే....ఏకంగా 600 మంది డాన్సర్లు పాల్గొనబోతున్నారని తెలుస్తోంది. షారుక్ ఖాన్‌కు చెన్నై ఎక్స్‌ప్రెస్ లుంగీ హిట్ ఇచ్చిన యో యో హనీ ఈ సాంగులో కనిపించనున్నారట.

బాలీవుడ్ చరిత్రలోనే బాగా ఖర్చు పెట్టి చిత్రీకరించిన సాంగుగా దీన్ని తెరకెక్కించబోతున్నారు. ఇప్పటికే రౌడీ రాథోడ్, జోకర్, వన్స్ అపాన్ ఎ టైం ఇన్ ముంబై దొబారా లాంటి చిత్రాల తర్వాత అక్షయ్ కుమార్, సోనాక్షి సిన్హా కలిసి నటిస్తున్న సాంగు కావడంతో మంచి రెస్పాన్స్ వస్తుందని అంటున్నారు.

More from Filmibeat