Don't Miss!
- News సుమలత దెబ్బకు మాజీ సీఎం హడల్, ఇంతవరకు ప్రచారం చెయ్యలేదు, అసలు మ్యాటర్ !
- Sports IPL 2024: చరిత్ర సృష్టించిన సన్రైజర్స్ హైదరాబాద్!
- Technology Whatsapp File Sharing Feature వాట్సాప్లో కొత్త ఫీచర్.. సులభంగా ఫైల్స్ షేర్ చేసుకోవచ్చు..!
- Lifestyle మీ భార్యతో ఇలా ఎప్పుడైనా ఉన్నారా..? ఆ విషయంలో భర్త తగ్గాల్సిందే..!
- Finance HDFC Bank: అంచనాకు అనుగుణంగానే హెచ్డీఎఫ్సీ బ్యాంక్ ఫలితాలు..!
- Automobiles త్వరలోనే ఎయిర్ ట్యాక్సీ సర్వీస్.. 7 నిమిషాల్లో 30 కి.మీ జర్నీ.. ఇండిగో గుడ్ న్యూస్
- Travel తెలంగాణ టూరిజం.. హైదరాబాద్ టు షిర్డీ ఫ్లైట్ టూర్ ప్యాకేజీ..
బాలయ్యతో నాలుగోసారి నో చెప్పిన హాట్ బ్యూటీ.. అందుకే ఇంకొకరి కోసం అన్వేషణ!
వరుస పరాజయాలతో సతమతం అవుతున్నాడు నటసింహా నందమూరి బాలకృష్ణ. ఈ నేపథ్యంలోనే ఈ సారి ఎలాగైనా హిట్ కొట్టాలన్న పట్టుదలతో ఉన్నాడాయన. ఇందుకోసం తనకు గతంలో 'సింహా', 'లెజెండ్' వంటి రెండు విజయాలను అందించిన మాస్ డైరెక్టర్ బోయపాటి శ్రీనుతో జత కట్టాడు. ఎంతో ప్రతిష్టాత్మకంగా బాలయ్య కెరీర్లోనే భారీ బడ్జెట్తో రూపొందుతోన్న ఈ చిత్రాన్ని మిర్యాల రవీందర్ రెడ్డి నిర్మిస్తున్నారు. ప్రస్తుతం షూటింగ్ జరుపుకుంటోన్న ఈ చిత్రాన్ని 2021 ప్రథమార్ధంలో ప్రేక్షకుల ముందుకు తీసుకు రావాలని యూనిట్ భావిస్తోంది.
ఇప్పటికే ఈ సినిమాకు సంబంధించిన చాలా వరకు షూటింగ్ జరిగిపోయింది. అయినప్పటికీ ఇందులో నటించే హీరోయిన్ విషయంలో మాత్రం క్లారిటీ రావడం లేదు. వాస్తవానికి ఈ సినిమాలో కొత్త హీరోయిన్ను తీసుకోబోతున్నాం అని బోయపాటి శ్రీను గతంలోనే ప్రకటించారు. కానీ, తరచూ ఎవరో ఒక హీరోయిన్ పేరు తెరపైకి వస్తూనే ఉంది. ఇలాంటి పరిస్థితుల్లో ఓ ఇంట్రెస్టింగ్ న్యూస్ బయటకు వచ్చింది. ప్రతిష్టాత్మకంగా తెరకెక్కుతోన్న ఈ చిత్రంలో నటించేందుకు సోనాల్ చౌహాన్ నిరాకరించిందనేదే ఆ వార్త సారాంశం.
నందమూరి బాలకృష్ణ నటించిన 'లెజెండ్', 'డిక్టేటర్', 'రూలర్'లలో హీరోయిన్గా చేసిన సోనాల్ను.. తమ సినిమా కోసం సంప్రదించాడట బోయపాటి. ఎంతో కీలకమైన ఓ పాత్ర కోసం అడగగా, ఆమె రిజెక్ట్ చేసిందని అంటున్నారు. అందుకోసమే మరో హీరోయిన్ కోసం అన్వేషణ కొనసాగిస్తుందట చిత్ర యూనిట్. ఇదిలా ఉండగా, ఈ సినిమాలో బాలకృష్ణ రెండు విభిన్నమైన పాత్రలను పోషిస్తున్నారని ఎప్పటి నుంచో ప్రచారం జరుగుతోంది. అంతేకాదు, అందులో ఒకటి అఘోరా లుక్ అని కూడా అంటున్నారు. ఇక, ఇందులో శ్రీకాంత్ విలన్గా నటిస్తున్నాడని ప్రచారం జరుగుతోంది.