హోమ్

గాసిప్స్

హైదరాబాద్ : తెలుగు సినిమా పరిశ్రమలో అగ్రహీరోలుగా కొనసాగుతున్న నందమూరి బాలకృష్ణ, నాగార్జునలు......వారి వారి కుటుంబ బ్యాగ్రౌండ్ వల్లనే ఈ స్థాయికి ఎదిగారనే విషయం అందరికీ తెలిసిందే. అయితే టాలెంట్ ఉండబట్టే వారు సక్సెస్ ఫుల్ హీరోలుగా ఇంతకాలం కొనసాగుతున్నారనడంలో ఎలాంటి అనుమానం లేదు.

అయితే ఇటీవల నటుడు శ్రీహరి ఓ కార్యక్రమంలో వీరిపై పరోక్షంగా సెటైర్లు వేసినట్లు ప్రచారం జరుగుతోంది. పాలకొల్లులో జరిగిన ఓ కార్యక్రమంలో శ్రీహరి మాట్లాడుతూ....'నేను ఎన్టీఆర్ ఫ్యామిలీ నుంచో ఏఎన్ఆర్ ఫ్యామిలీ నుంచో రాలేదు. నేను ఈ రోజు ఈ స్థాయికి ఎదిగానంటే ప్రేక్షకుల సపోర్టే కారణం' అని వ్యాఖ్యానించారని కొన్ని వెబ్ సైట్లలో పలు కథనాలు వెలువడ్డాయి.

దీంతో శ్రీహరి చేసిన వ్యాఖ్యలు సర్వత్రా చర్చనీయాంశం అయ్యాయి. శ్రీహరి పరోక్షంగా ఆరెండు కుటుంబాల నుంచి అగ్రహీరోలుగా ఎదిగిన బాలకృష్ణ, నాగార్జులను ఉద్దేశించే ఈ వ్యాఖ్యలు చేసారనే గుసగుసలు వినిపిస్తున్నాయి. ఇది వారిని ఎత్తిపొడవటం లాంటిదే అని మరికొందరి వాదన. వారితో కలిసి ఎన్నో హిట్ చిత్రాల్లో నటించిన శ్రీహరి ఇలా ఎందుకు వ్యాఖ్యానించారో ఎవరికీ అర్థం కావడం లేదు.