ఎన్టీఆర్, రాజమౌళి కాంబినేషన్ కన్ఫర్మ్...డిటేల్స్

ఎన్టీఆర్ అభిమానులు ఇది మరో శుభవార్త. గతంలో యమదొంగ,సింహాద్రి,స్టూడెంట్ నెంబర్ వన్ వంటి విజయాలను ఎన్టీఆర్ కి అందించిన రాజమౌళి మరోసారి ఎన్టీఆర్ ని డైరక్ట్ చేయనున్నారు. వచ్చే సంవత్సరం మేలో ఈ చిత్రం ప్రారంభమవనుంది. ఈ చిత్రాన్ని కె.ఎల్.నారాయణ..తమ దుర్గా ఆర్ట్స్ బ్యానర్ పై నిర్మిస్తారు. ఈ మేరకు రాజమౌళి చెప్పిన లైన్ ని ఎన్టీఆర్ ఓకే చేసినట్లు తెలుస్తోంది. దాంతో రాజమౌళి స్టోరీ డిపార్టమెంట్ ఈ స్క్రిప్టు రూపకల్పనలో ఉన్నారు. ఇక రాజమౌళి ప్రస్తుతం ఈగ చిత్రం ప్రారంబించేందుకు సిద్దమవుతున్నారు. ఆ తర్వాత ప్రభాస్ తో చేసే సినిమా ఉంటుంది. అనంతరం ఎన్టీఆర్ చిత్రం మొదలుకానుంది. ప్రస్తుతం ఎన్టీఆర్ శక్తి చిత్రం షూటింగ్ లో బిజీగా ఉన్నారు. ఆ తర్వాత సురేంద్రరెడ్డి తో ఊసరవిల్లి చేసి రాజమౌళి చిత్రానికి వస్తారు.