SSMB 29: మహేష్ -రాజమౌళి మూవీకి టైటిల్ ఛేంజ్... కొత్త పేరేంటో తెలుసా?

ప్రపంచ వ్యాప్తంగా ఉన్న సినీ ప్రియులు ఎదురు చూసే సినిమాల్లో SSMB 29 కచ్చితంగా ముందు వరుసలో ఉంటుంది. ఎందుకంటే ఈ సినిమాకు దర్శకత్వం వహించేది దర్శకధీరుడు రాజమౌళి. అందుకే ఈ సినిమాకు సంబంధించిన ఏ చిన్న వార్త వచ్చినా అది సోషల్​ మీడియాలో ఫుల్ వైరల్ అవుతోంది. అయితే తాజాగా మరో ఆసక్తికరమైన న్యూస్ ఒకటి నెట్టింట్లో చక్కర్లు కొట్టడం ప్రారంభమైంది. అదేంటంటే ఈ సినిమా వర్కింట్​ టైటిల్​ను మార్చబోతున్నారని తెలిసింది. మరి ఇంతకీ ఆ టైటిల్ ఏంటి? అనే విషయంతో పాటు సినిమాకు సంబంధించి ఇతర విషయాలను తెలుసుకుందాం.

వివరాల్లోకి వెళితే... SSMB 29 ఇప్పుడు ఇండియన్ సినిమా ఇండస్ట్రీతో పాటు వరల్డ్ వైడ్​గా మోస్ట్ అవైటెడ్ సినిమా ఇది. అమెజాన్ ఫారెస్ట్ అండ్​ యాక్షన్ అడ్వెంచర్​గా రూపొందబోతున్న ఈ మూవీ అనౌన్స్​ చేసినప్పటి నుంచి ప్రపంచ వ్యాప్తంగా ఉన్న సినీ ప్రియుల అందరి దృష్టి దీనిపైనే ఉన్నాయి. ఎందుకంటే ఆర్​ఆర్​ఆర్​ వంటి బిగ్గెస్ట్ బ్లాక్ బస్టర్​ను తెరకెక్కించిన జక్కనే దీన్ని తెరకెక్కిస్తున్నారు. అందుకే SSMB 29 కోసం అందరూ ఎంతో ఆసక్తిగా ఎదురుచూస్తున్నారు.

రీసెంట్​గానే స్క్రిప్ట్ వర్క్ కూడా పూర్తైంది. ప్రీ ప్రొడక్షన్ వర్క్​ కూడా శరవేగంగా సాగుతోంది. సినిమాలో హీరోగా నటిస్తున్న మహేశ్​ కూడా తన లుక్స్​ను, శరీరాకృతిని మార్చే పనిలో ఉన్నారు. అలాగే ఇతర అంశాలకు సంబంధించి శిక్షణ కూడా తీసుకుంటున్నారు. అయితే గత కొన్ని రోజులుగా రాజమౌళి ఈ చిత్రం కోసం తన మొత్తం టీమ్​ను ఛేంజ్​ చేయబోతున్నారని ప్రచారం జోరుగా సాగుతోంది. బయట చక్కర్లు కొడుతున్న బజ్ ప్రకారం ఆస్కార్ అవార్డ్ విన్నర్ ఎం ఎం కీరవాణి ఈ చిత్రానికి సంగీతం సమకూరుస్తున్నారు. ఈయన్ను తప్ప తన మిగతా టీమ్​ను జక్కన్న మార్చారట.

ఈ సారి పిఎస్ వినోద్ సినిమాటోగ్రాఫర్​గా, ఆర్సి కమల్ కన్నన్ వీఎఫ్ఎక్స్ సూపర్​వైజర్​గా, తమ్మి రాజు ఎడిటర్​గా, మోహన్ బింగి ప్రొడక్షన్ డిజైనర్​గా, వ్యవహరించబోతున్నారని అంటున్నారు. కాస్ట్యూమ్ డిజైనర్​గా రాజమౌళి సతీమణి రమ బాధ్యతలు చూసుకోనున్నారు. హీరోయిన్​గా ఇండోనేషియాకు చెందిన ఓ నటి నటించనుందని చెబుతున్నారు. అయితే ఈ విషయాలపై ఎటువంటి అఫీషియల్ అనౌన్స్​మెంట్ రాలేదు.

ఇప్పుడు తాజాగా మరో వార్త బయటకు వచ్చింది. అదేంటంటే ఈ చిత్ర వర్కింగ్ టైటిల్​ను మార్చనున్నారట. ఇంకా టైటిల్ ఖరారు చేయని ఈ ప్రాజెక్టును మొదటి నుంచి SSMB29 అనే పిలుస్తున్నారు. అయితే ఇప్పుడు జక్కన్న ఈ వర్కింగ్ టైటిల్​నే మార్చబోతున్నారట. SSMB29ను SSRMBగా మార్చబోతున్నారని బయట కథనాలు కనిపిస్తున్నాయి. అందుకు కారణం రాజమౌళి క్రేజ్ అని అంటున్నారు. ఎందుకంటే మహేశ్​ క్రేజ్​ టాలీవుడ్​ వరకు మాత్రమే ఉంది.

అంతర్జాతీయ స్థాయిలో పోల్చుకుంటే జక్కన్న కన్నా తక్కువే. అసలీ చిత్రానికి ఇంత రేంజ్​లో హైప్ పెరగడానికి కారణం రాజమౌళికి ఉన్న గుర్తింపే. ఆయన దర్శకత్వం, విజన్​కు ఈ సినిమా హైప్​ నెక్స్ట్ లెవెల్​కు చేరింది. పాన్ వరల్డ్ రేంజ్​లో ఈ సినిమా ప్రీ రిలీజ్​ బిజినెస్ జరిగేదంతా కూడా జక్కన్న వల్లనే. అందుకే ఈ సినిమా వర్కింగ్ టైటిల్​ను SSRMBగా మార్చడానికి సన్నాహాలు చేస్తున్నారని తెలిసింది. చూడాలి మరి ఏం జరుగుతుందో..