ప్రభాస్​ను ఫాలో అవ్వాలని జక్కన్న కండిషన్ - షాకయ్యే రేంజ్​లో 6 ప్యాక్​తో​ మహేశ్ బాబు​ న్యూలుక్ రెడీ​!

టాలీవుడ్ సూపర్ స్టార్ మహేశ్​ బాబు ఫిట్నెస్ గురించి ప్రత్యేకంగా చెప్పనక్కర్లేదు. ఆ విషయంలో మాత్రం ఆయన ఎంతో పర్ఫెక్ట్​గా ఉంటారు. ప్రస్తుతం ఆయన వయసు 48 ఏళ్ళు అయినప్పటికీ కూడా 25 ఏళ్ళ కుర్రాడిలానే ఎంతో అందంగా కనిపిస్తూ ఉంటారు. రీసెంట్​గా గుంటూరు కారం చిత్రంలోనూ ఎంతో యంగ్​ అండ్ ఫ్రెష్​ లుక్​లో కనిపించి ప్రేక్షకుల్ని ఫిదా చేశారు. అయితే ఇప్పుడాయన రాజమౌళి సినిమా కోసం మరింత ఫిట్​గా ఉండేందుకు ఎంతగానో శ్రమిస్తున్నారు.

జిమ్​లో కూడా ఎక్కువ సమయం కేటాయించి మరీ కసరత్తులు చేస్తున్నట్లు ప్రచారం సాగుతోంది. అయితే తాజాగా ఆయన షాకింగ్​ రేంజ్​లో సిక్స్​ ప్యాక్​లో కనిపించి అటు ఫ్యాన్స్​కు ఇటు నెటిజన్లకు షాక్ ఇచ్చారు. అలా జక్కన్న కూడా మహేశ్​కు ప్రభాస్​ను ఫాలో అవ్వాలని ఓ కండిషన్ పెట్టారట. దాని గురించే ఈ కథనం..

మహేశ్​ బాబు ఈ పేరు గురించి ఎంత చెప్పినా తక్కువే అవుతుంది. అమ్మాయిల కలల రాకుమారుడు. వయసు హాఫ్​ సెంచరికీ అడుగు దూరంలో ఉన్నా ఇప్పటికీ యంగ్​ అండ్ స్టైలిష్​గా కనిపిస్తూ అందరి మనసులను దోచేస్తున్నారు. రీసెంట్​గా గుంటూరు కారం చిత్రంతో ప్రేక్షకులను అలరించారు. టాక్ పరంగా మిక్స్​డ్ టాక్ అందుకున్నా వసూళ్లు మాత్రం బాగానే వచ్చాయి. ప్రస్తుతం ఆయన రాజమౌళి సినిమా కోసం రెడీ అవుతున్న సంగతి తెలిసిందే.

మరి జక్కన్నతో సినిమా అంటే వ్యవహారం ఎలా ఉంటుందో తెలిసిన విషయమే. ఏళ్ల తరబడి సమయాన్ని ఆయన కోసమే కేటాయించాల్సి వస్తది. ఒళ్ళు హూనం చేసుకుని మరీ పగలు రాత్రి సినిమా కోసం హీరోలు కచ్చితంగా కష్టపడాల్సిందే! ఇప్పటికే ప్రభాస్, ఎన్టీఆర్, రామ్​చరణ్​ వంటి హీరోలు జక్కన్న సినిమా కోసం ఎంతలా కష్టపడ్డారో మేకింగ్ వీడియోలను చూస్తూనే ఉన్నాం.

ఇక ఇప్పుడు మహేశ్ బాబు వంతు వచ్చేసింది. ఇప్పటికే శరీరాకృతి పరంగా స్పెషల్ ట్రైనర్​ను పెట్టుకుని మహేశ్ బాగా కష్టపడుతున్న సంగతి తెలిసిందే. ఈ మధ్యనే విదేశాలకు కూడా వెళ్లి అక్కడి వైద్యుల వద్ద ఫిట్​నెస్​ హెల్త్​కు సంబంధించిన టిప్స్​ కూడా తెలుసుకుని వచ్చారు. అయితే తాజాగా ఆయనకు సంబంధించిన ఓ ఫొటో సోషల్ మీడియాలో షాకింగ్​గా మారింది. అందులో ఆయన షర్ట్ తీసేసి కసరత్తులు చేస్తూ ఆరు పలకల దేహంతో కనిపించి భారీ షాక్ ఇచ్చారు!

అయితే ఒక మూడు సెకన్ల పాటు తీక్షనంగా చూశాక అర్థమవుతోంది అది నిజం పిక్ కాదని. అది ఎడిట్ చేసిన ఫొటో అని. కాకపోతే ఈ చిత్రం కోసం మహేశ్​కు జక్కన్న ఓ మాట చెప్పారట. బాడీ చాలా ఫిట్​గా జిమ్ బాడీలా కనిపించారని అన్నారట. ప్రభాస్​ తరహాలో కటౌట్స్​ తిరిగేలా పెంచాలని సూచించారని బయట టాక్ వినిపిస్తోంది. ఏదేమైనా మహేశ్ ఈ సినిమా కోసం బాగా కష్టపడుతున్నారని తెలిసింది. చూడాలి మరి మహేశ్ ఈ సినిమా కోసం తన శరీరాకృతిని ఎలా మార్చుకుంటారో, ఎలాంటి సరికొత్త లుక్​లో కనపడతారో.. కాగా, ఈ చిత్రం రూ.1000కోట్ల బడ్జెట్​తో ఫారెస్ట్ అండ్ యాక్షన్ బ్యాక్​డ్రాప్​తో తెరకెక్కుతోంది.