తెలుగు హీరోలు- రెమ్యునేషన్స్ ఎవరికెంత? (ఫోటో ఫీచర్)

మహేష్ బాబు

మొన్నీ మధ్యన వరకూ మహేష్ బాబు 10-12 కోట్ల వరకూ సినిమాకు తీసుకునేవారు. అయితే సుకుమార్ తో చేస్తున్న నేనొక్కడినే చిత్రం నుంచి 15 కోట్లకు రెమ్యునేషన్ పెంచారు. ఆ సినిమా థియోటర్స్ కు రాకముందే అతని రెమ్యునేషన్ పెరిగిపోయింది. 20 కోట్లకు రెమ్యునేషన్ ఆయన కొత్త చిత్రానకి పెంచినట్లు సమాచారం.

ఇక మహేష్‌బాబు హీరో గా యూటీవీ మోషన్‌ పిక్చర్స్‌ సంస్థ ఓ చిత్రాన్ని నిర్మించబోతోంది. 'మిర్చి'తో విజయాన్ని అందుకొన్న కొరటాల శివ దర్శకత్వం వహిస్తారు. 'అతిథి' తర్వాత యూటీవీ సంస్థ తెలుగులో నిర్మిస్తున్న చిత్రమిదే. వచ్చే యేడాది ఈ సినిమా సెట్స్‌పైకి వెళ్లే అవకాశాలున్నాయి. చిత్రబృందం మధ్య ఇటీవలే ఒప్పందం కుదిరింది.

పవన్ కళ్యాణ్

తెలుగులో అతి ఎక్కువ రెమ్యునేషన్ తీసుకునే హీరో ఎవరంటే పవన్ కళ్యాణ్ అని చెప్పవచ్చు.. ఆయనకి గబ్బర్ సింగ్ నిమిత్తం 15 కోట్లు తీసుకున్నారని చెప్తారు. ఆయన అత్తారింటికి దారేది చిత్రానికి 20 కోట్లుకు రెమ్యునేషన్ పెంచారని తెలుస్తోంది. ఈ మేరకు రిలియన్స్ వారుతో ఒప్పందం చేసుకునే ఈ ప్రాజెక్టు చేపట్టారని చెప్పుకున్నారు. అయితే సినిమాకు ఓ రేంజిలో బిజినెస్ జరగటం అంతా హ్యాపీగా ఉన్నారు.

జూ.ఎన్టీఆర్

బాద్షా వంటి యావరేజ్ టాక్ తెచ్చుకున్న చిత్రం కూడా భాక్సాఫీస్ వద్ద మంచి కలెక్షన్స్ కురిపించింది. దాంతో ఎన్టీఆర్ కు తిరుగులేకుండా పోయింది. దానికి తోడు ఆయన క్రేజీ కాంబినేషన్స్ సెట్ చేసుకుంటున్నారు. తాజాగా హరీష్ శంకర్ తో చేస్తున్న చిత్రం నిమిత్తం 10 కోట్లు తీసుకుంటున్నట్లు సమాచారం. రామయ్య వస్తావయ్యా హిట్టైతే రెమ్యునేషన్ ఓ రేంజిలో పెరిగే అవకాసం ఉంది.

రామ్ చరణ్ తేజ

చిరంజీవి కుమారుడుగా వెండి తెరపై తెరంగ్రేటం చేసిన రామ్ చరణ్ తేజ...తన సత్తాతో తనను తాను నిలబెట్టుకున్నారు. మగధీర నుంచి ఆయన కు తిరుగు లేకుండా పోయింది. నాయక్, రచ్చ భాక్సాఫీస్ వద్ద రామ్ చరణ్ స్టామినా ఏమిటో తేల్చి చెప్పాయి. ఆయన ఎన్టీఆర్ తో సమానంగా...10 కోట్లు వసూలు చేస్తున్నట్లు తెలుస్తోంది.

రవితేజ

టాలీవుడ్ మాస్ మహారాజగా పేరు తెచ్చుకున్న రవితేజ కి వరస ఫ్లాపులు పడ్డాయి. దాంతో రెమ్యునేషన్ విషయంలో ఆయన డల్ గానే ఉన్నారు. అయితే బలుపుతో ఆయన ఒక్కసారిగా పుంజుకున్నారు. ఇప్పుడు ఆయన ఐదు నుంచి ఏడు కోట్లు వరకూ రెమ్యునేషన్ పెంచినట్లు తెలుస్తోంది.

ప్రభాస్

రీసెంట్ గా మిర్చి చిత్రంతో బ్లాక్ బస్టర్ కొట్టిన ప్రబాస్ కు మాస్ లో మంచి ఛరిష్మా ఉన్నా సరైన హిట్ లు పడక అలా లాగుతూ వస్తున్నారు. ఆయన తన సినిమాకు 4 కోట్లు చొప్పున తీసుకుంటున్నట్లు తెలుస్తోంది. అయితే ఆయన రాజమౌళి దర్శకత్వంలో చేస్తున్న బాహుబలి చిత్రానికి 6 కోట్లు రెమ్యునేషన్ తీసుకుంటున్నట్లు సమాచారం. ఈ సినిమా కోసం ఎక్కువ రోజులు వర్క్ చేయాలి కాబట్టి ఆ రేంజిలో డిమాండ్ చేసినట్లు చెప్పుకుంటున్నారు.

నాగార్జున

దాదాపు ముప్పై ఏళ్లుగా తెలుగు ఇండస్ట్రీలో ఉన్న మన్మధుడు నాగార్జున. ఆయన ఈ వయస్సులో కూడా గ్రీకు వీరుడులా కనిపించి మెస్మరైజ్ చేసారు. ఆయన యంగ్ హీరోలతో నటనలోనే కాదు...రెమ్యునేషన్ విషయంలోనూ పోటీ పడుతున్నారు. ఆయన దాదాపు 5 కోట్లు వరకూ రెమ్యునేషన్ ఛార్జ్ చేస్తున్నారు.

వెంకటేష్

మరో సీనియర్ నటుడు వెంకటేష్ ఈ మధ్య వరస పరాజయాలతో వెనకపడ్డారు. 1986 లో కెరీర్ ప్రారంభించిన ఆయన ఎప్పుడూ రెమ్యునేషన్ విషయంలో ముందే ఉండేవారు. ఇప్పటికీ ఎనర్జీతో వెలిగే వెంకీ ఫ్యామిలీ హీరో. ఆయన సినిమాల శాటిలైట్ రైట్స్ కు ఎప్పుడూ డిమాండే. దాంతో ఆయనకు 5 కోట్లు రెమ్యునేషన్ పే చేస్తున్నట్లు సమాచారం.

అల్లరి నరేష్

కామెడీకి కేరాఫ్ ఎడ్రస్ గా మారిన అల్లరి నరేష్ కు మంచి ఫాలోయింగ్ ఉంది. ఆయన సినిమాకు చిన్నా పెద్దా తేడా లేకుండా క్యూ కడతారు. రీసెంట్ గా వచ్చిన వరస సినిమాలు ఫెయిల్యూర్ అయినా ఆయన డిమాండ్ ఏ మాత్రం తగ్గలేదు. సుడిగాడు సినిమాతో ఆయన బడ్జెట్ పెరిగింది. ఆయన రెమ్యునేషన్ 4 కోట్లకు చేరిందని టాక్.