అల్లు అర్జున్, విక్రమ్ కుమార్ సినిమా.. ఏఆర్ రెహమాన్ రంగంలోకి!

స్టైలిష్ స్టార్ అల్లు అర్జున్ నా పేరు సూర్య చిత్రంలో ఫ్యాన్స్ ని నిరాశపరిచాడు. నెక్స్ట్ మూవీ కోసం విక్రమ్ కుమార్ దర్శకత్వంలో బన్నీ నటించబోతున్నట్లు వార్తలు వస్తున్నాయి. ఈ మేరకు విక్రమ్ కుమార్ యాక్షన్ థ్రిల్లర్ కథని సిద్ధం చేసినట్లు తెలుస్తోంది.

ఈ చిత్ర విషయంలో ఇంకా అధికారిక ప్రకటన రాలేదు. తారాగణం ఎంపిక, ఇతర ప్రాధమిక పనులు పూర్తి చేసుకున్న తరువాత ప్రకటన వెలువడే అవాకాశం ఉంది. కానీ తాజగా వస్తున్న వార్తల ప్రకారం క్రేజీ మ్యూజిక్ డైరెక్టర్ ఈ చిత్రానికి సంగీతం అందించబోతున్నట్లు తెలుస్తోంది.

ఏఆర్ రెహమాన్ ఈ చిత్రానికి సంగీతం అందించనున్నాడట. హాలీవుడ్ స్థాయిలో ఉండే యాక్షన్ అంశాలు, థ్రిల్లింగ్ ఎలెమెంట్స్ కోసం రెహమాన్ సంగీతం అయితే బావుంటుందని దర్శకుడు భావిస్తున్నట్లు తెలుస్తోంది. యాక్షన్ సన్నివేశాల కోసం హాలీవుడ్ యాక్షన్ క్రియోగ్రాఫర్ లని కూడా రంగంలోకి దించబోతున్నారని ప్రచారం జరుగుతోంది.