మెగా ఫ్యాన్స్‌కు పండగే, గోన గన్నారెడ్డిని మించేలా.. సైరాలో అల్లు అర్జున్!

సైరాలో స్టైలిష్ స్టార్

సైరా చిత్రంలో ఇప్పటికే పలువురు స్టార్ నటీనటులు నటిస్తున్నారు. బాలీవుడ్ మెగాస్టార్ అమితాబ్ నుంచి తమిళ నటుడు విజయ్ సేతుపతి వరకు చాలా మంది ప్రముఖులు ఈ చిత్రంలో భాగం కానున్నారు. తాజగా ఈ చిత్రంలో అల్లు అర్జున్ కూడా గెస్ట్ రోల్ చేయబోతున్నట్లు ప్రచారం జరుగుతోంది.

మెగా ఫ్యాన్స్ కు పండగే

చారిత్రాత్మక నేపథ్యం ఉన్న చిత్రంలో చిరు, బన్నీ ఇద్దరూ కనిపిస్తే మెగా ఫ్యాన్స్ కు ఇంతకంటే ఇంకే కావాలి. ఈ వార్త ప్రచారం జరుగుతున్నప్పటినుంచి ఫ్యాన్స్ సంతోషానికి అవధులు లేకుండా ఉన్నాయి. కానీ చిత్ర యూనిట్ ఈ విషయాన్ని అధికారికంగా ప్రకటించాల్సి ఉంది.

బన్నీ చేతిలో పడితే

ఎలాంటి పాత్రనైనా తన ఎనర్జీతో బన్నీ మరో లెవల్ కు తీసుకుని వెళ్లగల నటుడు. గతంలో రుద్రమదేవి చిత్రంలో బన్నీ గోన గన్నారెడ్డి పాత్రలో విశ్వరూపం ప్రదర్శించాడు. బన్నీ చెప్పే డైలాగులు ఆ చిత్రంలో హైలైట్ గా నిలిచాయి.

మెగాస్టార్ కోసం

ఒకవేళ నిజంగానే సైరా చిత్రంలో బన్నీ కోసం ఓ పాత్ర ఉంటె అల్లు అర్జున్ 100 శాతం తన సత్తా చూపిస్తాడని అనడంలో సందేహం లేదు. బన్నీ చెప్పే పవర్ ఫుల్ డైలాగులు చారిత్రాత్మక నేపథ్యం ఉన్న చిత్రాలకు బాగా సరిపోతాయి.

అతిథి పాత్రల్లో

గతంలో అల్లు అర్జున్ ఎవడు, రుద్రమ దేవి, శంకర్ వంటి చిత్రాల్లో అతిధి పాత్రల్లో నటించాడు. ఇప్పటికే సైరా చిత్రంపై భారీగా అంచనాలు నెలకొని ఉన్నాయి. ఇక బన్నీ ఈ చిత్రంలో నటిస్తున్నాడని అధికారికంగా ప్రకటిస్తే ఆ అంచనాలు మరో స్థాయికి వెళతాయి.