సుచీ లీక్స్ సుచిత్ర కిడ్నాప్ అయిందా?

సుచిత్ర కిడ్నాప్

త్వరలో మరిన్ని సెన్సేషన్ విషయాలు, వీడియోలు, ఫోటోలు బయట పెడతానని సుచిత్ర హెచ్చరించింది. అయితే ఇంతలోనే సుచిత్ర ఎవరికీ కనపడకుండా పోవడంతో ఆమె కిడ్నాప్ కు గురైనట్లు ప్రచారం జరుగుతోంది.

అందుకే అంతా సైలెంట్

కొన్ని రోజులుగా సుచీ లీక్స్ కు సంబంధించిన అప్ డేట్స్ ఏమీ లేక పోవడానికి కారణం.... ఆమె కిడ్నాప్ కు గురి కావడమే అని, తమిళ సినీ ఇండస్ట్రీకి చెందిన ప్రముఖులే ఆమెను కిడ్నాప్ చేసారనే ప్రచారం జరుగుతోంది. కొందరేమో సుచిత్ర విదేశాలకు వెళ్లిందని అంటున్నారు.

హ్యాకింగ్ నిజమేనా?

కాగా ఈ లీక్స్ వెనక తన ప్రమేయం లేదని, తన అకౌంట్ ను ఎవరో హ్యాక్ చేసారని సుచిత్ర ఆ మధ్య పోలీసులకు కంప్లైంట్ చేసిన సంగతి తెలిసిందే. అయితే కావాలనే సుచిత్ర ఇలా కంప్లైంట్ చేసి.... లీకుల పర్వం కొనసాగించిందనే ఆరోపణలు సైతం ఉన్నాయి.

ఆమె మానసిక సమస్య ఉందా?

సుచిత్ర మానసిక సమస్యతో బాధ పడుతుందని....ఆమె మీడియాతో మాట్లాడటానికి సిద్ధంగా లేదని కొన్ని రోజుల క్రితం ఆమె భర్త కార్తీక్ వెల్లడించిన సంగతి తెలిసిందే. ఆమె మానసిక స్థితి బాగానే ఉందని... ధనుష్, అనిరుధ్ తనపై దాడి చేయడంతో వారిపై పగ తీర్చుకోవాలనే ఆమె ఇదంతా చేస్తుందని మరికొందరి వాదన.

ఎవరూ నోరు విప్పలేదు

అయితే ఈ లీక్స్ వ్యవహారంలో పలువురు స్టార్స్ పేరు బయటకు వచ్చినా ఎవరూ ఇంత వరకు నోరు విప్పలేదు. ఈ విషయమై పోలీసులకు కూడా కంప్లైంట్ చేయలేదు. ఆ లీకుల్లో నిజం ఉండబట్టే ఎవరూ నోరు విప్పడం లేదని ప్రచారం కూడా ఉంది.

ఏది నిజం? ఏది అబద్దం?

సుచి లీక్స్ వ్యవహారంలో ఏది నిజమో? ఏది అబద్దమో తెలియక సినీ అభిమానులు అయోమయంలో ఉన్నారు. ఈ పరిణామాల క్రమంలో ఇపుడు సుచి లీక్స్ సుచిత్ర కిడ్నాప్ జరిగిందనే ప్రచారంతో ఈ వ్యవహారం కొత్త మలుపు తిరిగినట్లయింది.