పాపం... సాయి ధరమ్ తేజ్ పెళ్లి అవ్వదా.. అందరూ అదే అంటే చేసుకునేది ఎవరు?

సాయి ధరమ్ తేజ్.. మెగా కాంపౌండ్ నుంచి హీరోగా అడుగుపెట్టి తనకంటూ ఓ ప్రత్యేక గుర్తింపు సాధించుకున్నాడు. ప్రస్తుతం ఆయన నటిస్తున్న చిత్రం బ్రో. ఈ సినిమాలో మొదటి సారిగా ఆయన మేనమామ పవన్ కల్యాణ్ తో కలిసి నటిస్తున్న సంగతి తెలిసిందే. ఈ సినిమా విడుదలకు సిద్ధంగా ఉంది. ఇక ఈ సినిమా ప్రమోషన్స్ లో భాగంగా.. సాయి ధరమ్ తేజ్ తన పెళ్లి గురించి మాట్లాడాడు. ఆ వివరాల్లోకి వెళితే...

అలా ఎంట్రీ ఇచ్చి : పిల్ల నువ్వులేని జీవితం సినిమా ద్వారా ఎంట్రీ ఇచ్చిన సాయి ధరమ్ తేజ్.. ఆ తర్వాత రేయ్ చిత్రం చేశాడు. ఇక ఆ సినిమా ఆశించిన స్థాయిలో గుర్తింపు రాలేదు. ఇక ఆ తర్వాత వరుస సినిమాలు చేసుకుంటూ.. తనకంటూ ఓ ప్రత్యేక స్థానం సంపాదించుకున్నాడు. ఇక ఇటీవల విరూపాక్ష సినిమాతో సూపర్ సక్సెస్ అందుకున్న తేజ్.. ప్రస్తుతం బ్రో అనే చిత్రంతో రాబోతున్నాడు.

విడుదలకు సిద్ధం : పవర్ స్టార్ పవన్ కల్యాణ్, సాయి ధరమ్ తేజ్ కలిసి నటిస్తున్న చిత్రం బ్రో. ఈ చిత్రం తమిళంలో విజయవంతమైన 'వినోదయ సీతమ్'కు రీమేక్ గా వస్తోంది. సముద్ర ఖని దర్శకత్వంలో తెరకెక్కిన ఈ చిత్రం ఈ నెలలోనే రిలీజ్ కానుంది. పీపుల్స్ మీడియా ఈచిత్రాన్ని గ్రాండ్ గా నిర్మిస్తోంది. ఈనెల 28న అన్ని భాషల్లో విడుదల కాబోతోంది. విడుదల తేజీ దగ్గర పడుతుండంతో.. ఈ సినిమా ప్రమోషన్స్ వేగవంత చేశారు మేకర్స్.

మంచి ఆదరణ : ఇక ఈ సినిమా నుంచి రిలీజ్ అయిన టీజర్ కు మంచి రెస్పాన్స్ వచ్చింది. అంతే కాదు ఈ సినిమా నుంచి రిలీజ్ అయిన పోస్టర్స్, సాంగ్స్ కూడా ఆకట్టుకుంటున్నాయి. ఇక నిన్న ఈ చిత్రం నుంచి జానవులే అనే బ్యూటీఫుల్ సాంగ్ రిలీజ్ కాగా ఈ సాంగ్ లాంచ్ ఈవెంట్ లో సాయి ధరమ్ తేజ్ సందడి చేశాడు. అక్కడ తన పెళ్లి గురించి మాట్లాడాడు.

పెళ్లి ప్రస్తావన : తిరుపతిలో జరిగిన సెకండ్ సింగిల్ లాంచ్ కార్యక్రమంలో తేజు తన పెళ్లి గురించి చెప్పుకొచ్చాడు. ఫ్యాన్స్ తన పెళ్లి ఎప్పుడో చెప్పాలి అని అడగ్గా... ఇంకెక్కడి పెళ్లి బ్రో... ఈ సినిమాకు ముందు ఎవరో ఒకరు ట్రై చేసేవారు. కానీ ఇప్పుడు అందరూ నన్ను బ్రో అనే పిలుస్తున్నారు.. అంటూ ఫన్నీగా చెప్పుకొచ్చాడు. ఆ మాటతో అక్కడ ఉన్నవాళ్లలో నవ్వులు పూయించాడు. అయితే ఇప్పట్లో సాయి ధరమ్ తేజ్ పెళ్లి లేదని తెలుస్తోంది.

ఇప్పట్లో లేనట్లే : ఇక రెండేళ్ల క్రితం సాయి ధరమ్ తేజ్ కు ప్రమాదం జరిగిన విషయం తెలిసిందే. అంతకు ముందే ఓ అమ్మాయితో పెళ్లి చేయాలని ఇంట్లో వాళ్లు అనుకున్నారట. కానీ ప్రమాదం జరగడం.. అన్నీ సర్దుకున్నాకే చేసుకుంటానని తేజు చెప్పడంతో.. ఆ పెళ్లి వాయిదా పడిందని సమాచారం. ప్రస్తుతం ఇండస్ట్రీలో ప్రభాస్ తర్వాత సాయి ధరమ్ తేజ్ మోస్ట్ ఎలిజిబుల్ బ్యాచిలర్ గా ఉన్నారు. ఇక మెగా కుటుంబంలో త్వరలో వరుణ్ తేజ్ పెళ్లి జరగబోతుందన్న విషయం తెలిసిందే.