తమిళ్ స్టార్ హీరో డైరెక్ట్ తెలుగు సినిమా.. గట్టిగా కొట్టాలని ప్లానింగ్?

Recommended Video

Hero Surya Grand Entry In Tollywood

సూర్య డైరెక్ట్ తెలుగు సినిమా..

కోలీవుడ్ స్టార్ హీరో అనడం కన్నా సూర్యని సౌత్ స్టార్ హీరో అనడం బెటర్. ఎందుకంటే సూర్య ఏ సినిమా చేసినా అవి తమిళ్ లొనే కాకుండా తెలుగులో కూడా ఒకేసారి రిలీజ్ అవుతుంటాయి. అయితే ఎప్పటినుంచో సూర్య డైరెక్ట్ తెలుగు సినిమాలు చేయాలని అనుకుంటున్నాడు. చాలా రోజుల తరువాత సూర్య ఒక కొత్త తరహా ప్లాన్ వేశాడని సమాచారం.

రైటర్స్ తో సిట్టింగ్..

టాలీవుడ్ లో ఉన్న కొంతమంది ప్రముఖ రచయితలతో సూర్య రెగ్యులర్ గా టచ్ లో ఉంటున్నారట. గత కొన్ని నెలలుగా సూర్య తెలుగు వాళ్లకు నచ్చేలా పూర్తి తెలుగుధనం కనిపించేలా ఒక సినిమా చేయాలని ప్లాన్ చేస్తున్నాడట. కథ ఏ మాత్రం నచ్చినా మంచి దర్శకుడిని సెలెక్ట్ చేసుకొని వచ్చే ఏడాదికి ఒక డైరెక్ట్ తెలుగు సినిమాను ప్రేక్షకుల ముందుకు తేవాలని సూర్య తపన పడుతున్నాడు.

హిట్టొచ్చి చాలా కాలమవుతోంది..

ఒకప్పుడు సూర్య సినిమా రిలీజ్ అవుతోంది అంటే తమిళ్ ఆడియెన్స్ తో పాటు తెలుగు వాళ్ళు కూడా ఎంతో ఆసక్తిగా ఎదురుచూసేవారు. కానీ ఇప్పుడు తమిళ్ ఆడియెన్స్ ని ఆకట్టుకున్నంతగా సూర్య టాలీవుడ్ జనాలను ఎట్రాక్ట్ చేయలేకపోతున్నాడు. బందోబస్త్- NGK అంటూ డిఫరెంట్ సినిమాలతో వచ్చినప్పటికీ ఆ సినిమాలు టాలీవుడ్ లో అంతగా క్లిక్కవ్వలేదు.

అందుకే ఈ ఆలోచన..

గత కొన్నేళ్లుగా సూర్య తెలుగు మార్కెట్ చాలా తగ్గిపోయింది. అతన్ని తెలుగు జనాలు మర్చిపోయారని కోలీవుడ్ మీడియాలో కథనాలు కూడా వచ్చాయి. అందుకే డైరెక్ట్ గా తెలుగు ఆడియెన్స్ కి నచ్చేలా ఒక సినిమా చేయాలని సూర్య ఆలోచిస్తున్నాడు. అప్పట్లో బాహుబలిలో కట్టప్ప పాత్రకు సూర్యని అనుకున్నారు గాని అతను ఒప్పుకోలేదు. ఇక త్రివిక్రమ్ తో కూడా ఒక సినిమా చేసే ఛాన్స్ ఉందన్నారు గాని అది రూమర్ అని ఫాస్ట్ గానే తెలిసిపోయింది. ఇక ఇప్పుడు మాత్రం సూర్య డైరెక్ట్ తెలుగు సినిమా కోసం తీవ్రంగా ప్రయత్నాలు చేస్తున్నట్లు సమాచారం.