For Quick Alerts
    ALLOW NOTIFICATIONS  
    For Daily Alerts

    పుట్టిన రోజునే ‘సీతమ్మ వాకిట్లో...’ఆడియో విడుదల

    By Srikanya
    |

    హైదరాబాద్: వెంకటేష్- మహేష్ కాంబినేషన్లో తెరకెక్కుతున్న భారీ మల్టీస్టారర్ చిత్రం 'సీతమ్మ వాకిట్లో సిరిమల్లె చెట్టు'. ఫ్యామిలీ ఎంటర్ టైనర్‌గా రూపొందుతున్న ఈ సినిమా ఆడియో విడుదల తేదీని ఫిక్స్ చేసినట్లు సమాచారం. వెంకటేష్ పుట్టిన రోజున ఈ ఆడియోని విడుదల చేయనున్నారు. అంటే డిసెంబర్ 13న ఈ ఆడియో విడుదల అవుతుందన్నమాట. వేలాది మంది వెంకటేష్ ప్యాన్స్,మహేష్ ప్యాన్స్ సమక్షంలో గ్రాండ్ గా ఈ చిత్రం ఆడియో చేయాలని దిల్ రాజు ఆలోచనలో ఉన్నట్లు తెలుస్తోంది. ఆడియో విడుదల తేదీ నుంచి ఈ చిత్రం ప్రమోషన్ పూర్తి స్ధాయిలో ప్రారంభిస్తారు.

    మహేష్ సరసన సమంత, వెంకటేష్ సరసన అంజలి నటిస్తున్నారు. వెంకీ-మహేష్ అన్నదమ్ముళ్లుగా నటిస్తున్న ఈ సినిమాపై ఇప్పటికే టాలీవుడ్ లో భారీ అంచనాలు ఏర్పడుతున్నాయి. అన్నదమ్ముల రిలేషన్ ఈ చిత్రంలో మెయిన్‌గా ఫోకస్ కానుంది. ఇక ఈ చిత్రం గురించి దిల్‌ రాజు మాట్లాడుతూ ..25 సంవత్సరాల తర్వాత వస్తున్న మల్టీస్టారర్‌ ఇది. వెంకీ, మహేష్‌ అన్నదమ్ము లుగా నటిస్తున్నారు. సీతమ్మ వాకిలి.. అంటే భారతదేశం, సిరిమల్లె చెట్టు..అంటే కుటుంబం అన్నారు.

    ఈ చిత్రం గురించి దిల్ రాజు మాట్లాడుతూ... కేవలం పదిహేను నిమిషాలు మాత్రమే మహేష్ కథ విని 'ఓకే' చెప్పేశారు. ఈ కథలో ఉన్న గొప్పతనం అలాంటిది. అభిమానులనే కాదు... అన్ని వయసుల వారినీ అలరించే రీతిలో వెంకటేష్, మహేష్‌ల పాత్రలు సాగుతాయి అన్నారు. అలాగే... సీతమ్మ వాకిలి అంత పవిత్రమైన మనదేశంలో సిరిమల్లె చెట్టు లాంటి ఓ అందమైన కుటుంబం. అనుబంధాలకు నెలవైన ఆ ఇంట్లో జరిగిన అనూహ్య పరిణామాలే ఈ సినిమా. ఈ కథ విన్నవెంటనే చేయడానికి అంగీకారం తెలిపారు వెంకటేష్'' అని తెలిపారు.

    మిక్కీ జె. మేయర్ అందించే ఈ చిత్రం లో పాటలు సినిమాకు బాగా ప్లస్ అవుతాయని,ఆడియో సూపర్ హిట్ అవుతుందని చెప్తున్నారు. రెండు పాటలు,ప్యాచ్ వర్క్ మినహా ఈ చిత్రం షూటింగ్ పూర్తైంది. సమంత, అంజలి, ప్రకాష్ రాజ్, జయసుధ, రోహిణి హట్టంగడి, రావు రమేష్, ఆహుతి ప్రసాద్, బ్రహ్మానందం, రమాప్రభ, తనికెళ్ల భరణి, కోట శ్రీనివాసరావు, రవిబాబు తదితరులు నటిస్తున్న ఈచిత్రానికి సంగీతం: మిక్కీ జె. మేయర్, కెమెరా: కె.వి.గుహన్, కళ: ఎ.ఎస్. ప్రకాష్, ఎడిటింగ్: మార్తాండ్ కె. వెంకటేష్, సహ నిర్మాతలు: శిరీష్, లక్ష్మణ్, నిర్మాత: దిల్ రాజు, కథ- స్క్రీన్ ప్లే- మాటలు- దర్శకత్వం: శ్రీకాంత్ అడ్డాల.

    English summary
    Mahesh Babu, Venkatesh starrer Seethamma Vaakitlo Sirimalle Chettu is in the last stages of shooting. As per the latest reports, the film’s audio is likely to be unveiled on December 13, on the eve of Venkatesh’s birthday. Samantha and Anjali are playing the lead roles in this family entertainer. K V Guhan is the cinematographer and Mickey J Meyer has composed the music.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X