Don't Miss!
- News మేషరాశిలో శుక్ర దహనం.. ఈ రాశులవారికి కెరీర్ లో పెనుసవాళ్లు
- Sports LSG vs CSK: రప్ఫాడించిన రాహుల్... లక్నో ఘన విజయం
- Automobiles వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
తమిళ్ రాకర్స్కు చిక్కిన సూపర్ స్టార్.. ఆన్లైన్లో ప్రత్యక్షమైన దర్బార్
ఈ కాలంలో సినిమాను తీయడం ఎంత కష్టంగా మారిందో.. పైరసీ బారిన పడకుండా కాపాడుకోవడం అంత కంటే కష్టంగా మారింది. మొదటి ఆట ముగిసిన వెంటనే ఆన్లైన్లో ప్రత్యక్షమవుతోంది. ఇలాంటి వాటిని కట్టడి చేసేందుకు ఎంత మంది పనిచేసినా వ్యర్థమవుతూనే ఉంది. ఎంత మంది ఫిర్యాదులు చేసినా సైబర్ క్రైమ్ పోలీసులు ఎన్ని లింక్స్ను తొలగించిన పైరసీకి అడ్డుకట్ట వేయలేకపోతున్నారు.
రెచ్చిపోతోన్న తమిళ రాకర్స్
పైరసీ చేయడంలో తమిళ రాకర్స్ ముందుంటుంది. నిర్మాతలకు హెచ్చరికలు జారీ చేసి మరీ పైరసీ చేస్తుంది. ఎంతటి పెద్ద హీరో సినిమా అయినా సరే మొదటి ఆట పూర్తవ్వగానే ఆన్లైన్లో పెట్టేస్తూ ఉంటుంది. వీటి ధాటికి బడా బడా ప్రొడ్యూసర్లు బెదిరిపోతూ ఉంటారు. తాజాగా దీని వలలో దర్బార్ చిత్రం కూడా చిక్కినట్టు తెలుస్తోంది.
సంక్రాంతి బరిలో దిగిన రజినీ..
సంక్రాంతి రేసులోకి వచ్చిన దర్బార్.. మిగిలిన అన్ని చిత్రాల కంటే కాస్త ముందుగా థియేటర్ల కు వచ్చేసింది. రజినీ ఫ్యాన్స్ను ఆకట్టుకునేలా ఉన్న దర్బార్కు తెలుగు నాట పర్వాలేదనిపించేలా ఉన్నా.. కోలీవుడ్లో మాత్రం రికార్డులను బ్రేక్ చేసేలానే ఉంది. ఇదిలా ఉండగా ప్రేక్షకుల ముందుకు వచ్చిన దర్బార్ను.. విడుదలైన గంటల్లోనే పైరసీ చేసినట్టు తెలుస్తోంది.
భారీ క్రేజున్న చిత్రం..
సంక్రాంతి సీజన్లో రావడం.. తెలుగు హీరోలతో పోటీకి దూరంగా ఉండటం.. మురుగదాస్ లాంటి దర్శకుుడు తోడు కావటంతో ఈ సినిమా బిజినెస్ భారీగా సాగింది. అయితే.. సినిమా రిలీజ్ అయిన గంటల వ్యవధిలోనే పైరసీ చేసి.. ఆన్ లైన్లో అప్లోడ్ చేసిన వైనం కలకలం రేపుతోంది. దీంతో యూనిట్ షాక్కు గురైంది.
మొదటి రోజు దుమ్ములేపిన దర్బార్
అందరూ ఊహించినట్లుగానే 'దర్బార్' సినిమా మంచి ఓపెనింగ్స్ రాబట్టిందని తెలుస్తోంది. విడుదలైన అన్నిచోట్లా దర్బార్ దూసుకుపోయిందని టాక్. ఓవర్సీస్లో కూడా రికార్డ్ స్థాయిలో ఓపెనింగ్స్ రాబట్టడం విశేషం. మొత్తంగా తొలి రోజే ప్రపంచ వ్యాప్తంగా 110 కోట్ల వరకు కలెక్ట్ చేసినట్లు రిపోర్ట్స్ వస్తున్నాయి.