Don't Miss!
- News ప్రధాని మోదీ ఎదుటే కాలు మీద కాలు వేసుకుని కూర్చొన్న టీడీపీ ఎమ్మెల్యే.. తరువాత రియాక్షన్ ఏమిటంటే..?
- Sports IPL 2024 సీజన్లో చెలరేగేది ఆ కుర్రాడే: సునీల్ గవాస్కర్
- Technology సైబర్ సెక్యూరిటీ ఏజెన్సీ హై రిస్క్ అలెర్ట్.. ఈ ఫోన్లలో భద్రతా లోపాలు.. అప్డేట్ చేయకుంటే..??
- Travel దేశంలో ఒక్కోచోట ఒక్కోలా రంగుల హోలీ జరుపుతారని మీకు తెలుసా?!
- Lifestyle శరీరంలో ఈ భాగాల్లో వాపు కనబడుతుంటే, పక్కా మీ లివర్ డ్యామేజ్ అయ్యిందని అర్థం..!హెచ్చరిక
- Automobiles ప్రతి 14 నిమిషాలకు ఓ కారు మాయం.. అత్యధికంగా కార్లు చోరీ అయ్యేది ఈ నగరాల్లోనే.!!
- Finance Market Crash: సెన్సెక్స్-నిఫ్టీ నేల చూపులు.. నిండా ముంచిన ఐటీ స్టాక్స్..
వెరైటీ ఏమోగానీ పేరేదో కాస్త తేడాగానే ఉంది... ఎన్టీఆర్ "దఢ్కన్" మీద ఇంకోసారి ఆలోచించాలేమో
మనోళ్లకి టైటిళ్ళు దొరకటం లేదో లేక మరీ వెరైటీ అనుకుంటున్నారో గానీ తెలిసి తెలిసీ ఒక రకమైన టైటిల్స్ మీదే దృష్టి పెదుతున్నారు. ఇప్ప్టికే ఖైదీ నెం.150 అంటూ వచ్చిన మెగాస్టార్ సినిమా టైటిల్ బ్యాడ్ ఫీడ్ బ్యాక్ తెచ్చుకుంది. ఈ నెగెటివ్ టాక్ ఎక్కడిదాకా వెళ్ళిందీ అంటే ఈ పేరుని మార్చి మళ్ళీ వేరే పేరుని పరిశీలిస్తున్నారట. ఎనభైలలో వచ్చిన కొన్ని సినిమాల పేర్లు బాగానే ఉన్నా అప్ప్ట్లో అవి మంచి హిట్ సినిమాలు కావటం తో ప్రేక్షకులు ఇంకా ఆ సినిమాలని అడపాదడపా చూస్తూనే ఉన్నారు. అందుకే అవి మరీ పాత టైటిల్స్ లా అనిపించక పోవటం తో కొత్త సినిమాకీ అదే టైటిల్ ని ఎంచుకునేటప్పటికి దాన్ని అంగీకరించలేకపోతున్నారు.
ఇప్పుడు అదే పద్దతిని ఎన్టీఆర్ కూడా తన కొత్త సినిమాకి వాడుతుండటం తో ఆ టైటిల్ కూడా కాస్త నెగెటివ్ టాక్ తెచ్చుకునేలాగే ఉంది. 'జనతా గ్యారేజ్' తర్వాత ఎన్టీఆర్. వక్కంతం వంశీ దర్శకత్వంలో సినిమా చేయబోతున్న సంగతి మనకు తెలిసిందే.. అయితే ఈ సినిమాకి "దడ్కన్" అనే పేరు పెట్టనున్నట్లుగా ప్రచారం జరుగుతోంది.
సినిమా అనౌన్స్ చేసే రోజే ఈ టైటిల్ ని కూడా అధికారికంగా ప్రకటించనున్నారట. తెలుగు సినిమాలలో హిందీ పదాలతో, పూర్తి స్థాయి హిందీ పాటలతోనూ ప్రయోగాలు జరిగాయి. హిందీ టైటిళ్ళు వాడటం కూడా జరిగింది. "దిల్" అనే నిథిన్ సినిమా ఎంత హిట్టో మనకు తెలుసు. కానీ ఆ పదాలన్నీ మామూలుగా మనకు తెలిసినవే. కానీ ఈ దడ్కన్ అనే మాట మాత్రం మరీ హిందీ తెల్సిన వాళ్ళకి తప్ప పెద్ద పరిచయం లేదు.
ఇదే టైటిల్ తో 90 లలో అక్షయ్ కుమార్-సునీల్ శెట్టి-శిల్పాశెట్టి ప్రధాన పాత్రల్లో హిందీలో ఈ పేరుతో ఓ సినిమా వచ్చింది. దడ్కన్ అంటే.. హిందీలో హృదయ స్పందన అని అర్థం. తెలుగులోనూ పాపులర్ అయిన హిందీ పేర్లేమైనా పెట్టుకోవచ్చు కానీ.. అసలు సామాన్య జనానికి అర్థమేంటో కూడా తెలియని పదాన్ని ఎన్టీఆర్ సినిమాకు టైటిల్గా ఎందుకు పెడుతున్నారో అర్థం కావడం లేదు. ఇదే టైటిల్ పక్కా అనుకుంటున్నారో లేదంటే ఓసారి సొపందన ఎలా ఉంటుందో చూద్దామని ముందే లీక్ చేసారో అర్థం కావటం లేదు కానీ ఈ టైటిల్ మాత్రం అస్సలు పాజిటివ్ గా అనిపిమంచటం లేదు...