ఆ హీరోతో డైరక్టర్ తేజ నెక్ట్స్ చిత్రం ఖరారు

Gossips

oi-Surya Prakash

By Srikanya

| Published: Wednesday, July 11, 2012, 8:39 [IST]

చాలా గ్యాప్ తర్వాత తేజ చేసిన 'నీకు నాకు డాష్ డాష్'భాక్సాఫీస్ వద్ద డిజాస్టర్ అయిన సంగతి తెలిసిందే. అయితే ఇప్పుడాయిన వరస ప్లాపుల్లో ఉన్న హీరో దగ్గుపాటి రానా తో సినిమా ప్లాన్ చేస్తున్నారు. రానా రీసెంట్ గా డిపార్టమెంట్ అనే డిజాస్టర్ చిత్రం చేసారు. రామ్ గోపాల్ వర్మ దర్శకత్వంలో రూపొందిన ఈ చిత్రం మార్నింగ్ షో కే పెద్ద ప్లాప్ టాక్ తెచ్చుకుంది. అంతకుముందు తెలుగులో రానా చేసిన నా ఇష్టం సైతం ప్లాప్ అయ్యాయి.

మల్టి డైమన్షన్స్ ఎంటర్టైన్మెంట్స్ వారు నిర్మించే ఈ చిత్రం పూర్తి స్ధాయి డ్రామా గా నడవనుందని తెలుస్తోంది. బడ్జెట్ కంట్రోల్ లోనే ఈ చిత్రాన్ని తేజ ప్లాన్ చేస్తున్నట్లు చెప్తున్నారు. తేజ ఆ మధ్యన వెంకటేష్ తో రెండేళ్లు కష్టపడి సావిత్రి అనే స్క్రిప్టుని రెడీ చేసుకుని ఓకే చేయించుకున్నారు. వైజాగ్ స్టూడియోలో దాని ఓపినింగ్ కూడా జరిగింది. అయితే అనుకోని విధంగా సురేష్ బాబు ఆ ప్రాజెక్టుని ఆపు చేసేసారు. అయితే ఇప్పుడు రానా డేట్స్ తీసుకుని సినిమా ప్లాన్ చేసారు.

ఇక గతంలో తేజ మీడియాతో మాట్లాడుతూ.. స్టార్స్‌ని నేను హేండిల్ చేయలేను. వాళ్ల ఇమేజ్ కోసం స్క్రిప్ట్‌లో కాంప్రమైజ్ కావాల్సి ఉంటుంది. ఇమేజ్‌ని లెక్కలోకి తీసుకోకుండా చేస్తే వాళ్లతో పాటు అభిమానులూ ఒప్పుకోరు. అలా స్టార్ కోసం నేను స్క్రిప్ట్ మార్చలేను. అందుకే ఇప్పటికైతే స్టార్స్‌తో చెయ్యకూడదనే అనుకుంటున్నా. నేను నిజాయితీగా ఉంటా. ఉన్న విషయం మాట్లాడతా అన్నారు.

దగ్గుబాటి రానా ప్రస్తుతం క్రిష్ దర్శకత్వంలో 'కృష్ణం వందే జగద్గురుమ్‌' చేస్తున్నారు. సాయిబాబు జాగర్లమూడి, వై.రాజీవ్ రెడ్డిలు సంయుక్తంగా ఈ చిత్రం నిర్మిస్తున్నారు. ఈ చిత్రంలో రానా బిటెక్ బాబు గా కనిపించనున్నాడు. ఆ పాత్ర డిఫెరెంట్ గా ఉంటుందంటున్నారు. మైనింగ్ మాపియా మీద యుద్దం ప్రకటించే కుర్రాడిగా రానా కనిపిస్తాడని, అతను ఈ చిత్రంలో నాటకాలు వేస్తాడని అంటున్నారు.