నిర్మాతలను ఏడ్పిస్తున్న బ్రహ్మి

తెరపై అందరినీ నవ్వించే బ్రహ్మానందం తెరవెనుక నిర్మాతలను ఓ రేంజిలో ఏడ్పిస్తున్నాడని ఫిల్మ్ సర్కిల్స్ లో తరుచుగా వినపడుతోంది. శ్రీనువైట్ల దర్శకత్వంలో వచ్చిన చిత్రాలతో మరింత డిమాండు పెంచుకున్న ఈ హాస్యనటుడు సాయింత్రం ఐదుంపావు దాటితే పనిచేయనంటాడు. అలాగే రోజుకింత అని కాల్షీటు ఇచ్చి సంపాదించుకునే ఈయన ప్రతీరోజు షూటింగ్ నుంచి ఇంటికి క్యారేజీ పంపుతూంటాడు. అంతేగాక షూటింగ్ లు సిటీ లిమిట్స్ లోనే పెట్టుకోమంటాడు. బయిటకు వెళ్ళటానికి ఇష్టపడడు.

ఇక షూటింగ్ సమయంలో కొత్త దర్శకుడు, డైరక్టర్ అయితే ఆయన చెప్పినట్లు విని, ఈయన చెప్పే డైలాగులు షూట్ చేయాల్సిందే. అలాగే షూటింగ్ టైమ్ లో పేకాట పెట్టుకుంటాడు. ఎవరూ డిస్ట్రబ్ చెయ్యకూడదని ముందే ఆదేశాలు ఇస్తాడు. ఇవన్నీ ప్రక్కన పెడితే ఆయన వేసే కౌంటర్స్, డైలాగ్స్ కి యూనిట్ సభ్యులు నోరుమూసుకు ఉండాల్సిందే. ఇవన్నీ భరిస్తేనే తెరపై ఆయన మంచి మూడ్ లో నవ్విస్తాడు. లేదా మూడ్ లేదని చెక్కేస్తాడు. ఇంత టార్చర్ పెడుతున్నా ఆయనకి పోస్టర్ వ్యాల్యూ డిస్ట్రిబ్యూటర్స్ కోసమైనా భరించారు. ఆయన్ను ఎక్కువగా ఎంకరేజ్ చేసిన ఇ.వి.వి వంటి వారు సైతం ఇప్పుడు అవకాశమివ్వటానికి వెనకడుగు వేస్తున్నారంటే అర్ధం చేసుకోవచ్చు అని అంటున్నారు. డిమాండ్ అంటే మాటలా..ఇలాగే ఉంటుంది.