తేజ ఈ సారి కొట్టిందెవరినంటే...

By Staff

| Published: Tuesday, October 21, 2008, 16:50 [IST]

దెబ్బల డైరక్టర్ గా పేరున్న తేజ కేక సినిమాకి ఎవర్నీ కొట్టకుండానే ఎలా ఫినిష్ చేసాడు అనే సందేహం అందరికీ వస్తోంది. అయితే ఈ సారి కూడా ఆ ప్రయత్నచేసాడనీ,హీరోని కొట్టాడనీ అయితే కొన్ని అనివార్య కారణాల వల్ల తేజ ఆ విషయాన్ని పబ్లిసిటీ చేయటంలేదనీ ఫిల్మ్ నగర్ లో వినిపిస్తోంది. వారు చెప్పుకునే దాని ప్రకారం ఈ సినిమాకు హీరో పాటల రచయిత సీతారామశాస్త్రి కుమారుడు రాజా కావటంతో అసలు సమస్య వచ్చింది. సినిమా షూటింగ్ సమయంలో అతనికి తేజా ఓ కష్టమైన సీన్ ఇచ్చి మళ్ళీ మళ్ళీ ట్రై చేయమంటే అతనికి సహనం పోయి సీరియస్ గా పైనుంచి క్రింద దాకా ఓ చూపు చూసాడు. దానికి అసలే షార్ట్ టెంపర్ గా ఉండే తేజా చాలా చిర్రెత్తిపోయి..ఒక్కటిచ్చాడు.

దాంతో అలిగిన ఆ హీరో ఆ రోజు షూటింగ్ నుంచి వాకవుట్ చేసాడు. మరుసటి రోజు షూటింగ్ కి వెళ్ళనన్నాడు.దాంతో విషయం కనుక్కున్న పెద్ద వాళ్ళు తమ ఇంటి అల్లుడు డైరక్టర్,రైటర్ అయిన త్రివిక్రమ్ తో కలసి తేజాని కలసి నిలదీసారుట. ఎందుకు కొట్టాల్సి వచ్చిందన్న దానికి తేజ అసలు మీవాడికి ఏక్టింక్ రాదు...పైగా నన్ను పై నుంచి క్రిందకు చూసే అంతటి మొనగాడా ఏమనుకుంటున్నాడు అని సీరియస్ అయ్యాడు. అంతే గాక మీ కొడుకు కాబట్టి నేను కామ్ గా ఉన్నా...అదే మరొకడు అయితే అసలు ఈ సినిమాను ఆఫు చేసి ఉండేవాడ్ని అంటూ అరిచాడుట.

దానికి వాళ్ళు సైలెంట్ గా మేమే ఆ మాత్రం సెల్ప్ రెస్పెక్ట్ మెయింటైన్ చెయ్యమని మా అబ్బాయికి చెప్పాం అని వెళ్ళిపోయారుట ఆ కుర్రాడ్ని తీసుకుని. తర్వాత ఏం జరిగిందో ఏమో తేజా కాంప్రమైజ్ అయ్యి మళ్ళీ షూటింగ్ చేసి సినిమా ఫినిష్ చేసాడంటున్నారు. ఎందుకు తేజా సైలెంట్ గా ఉన్నాడంటే అందరి హీరోలుని పరిచయం చేయటానికి డబ్బు తీసుకున్నట్లే వీళ్ళ దగ్గరా తీసుకోవటమేనని,తన పరిస్ధితి బాగోకపోవటమే కాంప్రమైజ్ అవ్వటానికి కారణమని గుసగుసలాడుతున్నారు.అదీ సంగతి