'పోకిరి' కాంబినేషన్ (పూరీ, మహేష్) మళ్ళీ వస్తోంది

పూరీ జగన్నాధ్, మహేష్ కాంబినేషన్ లో వచ్చి తెలుగు చలన చిత్ర రికార్డులను బ్రద్దలు కొట్టిన చిత్రం "పోకిరి". అయితే ఆ తర్వాత ఈ కాంబినేషన్ మళ్ళీ రిపీట్ కాలేదు. మహేష్ మూడు సంవత్సరాలుకు ఒక సినిమా చేయటం, పూరీ జగన్నాధ్ వరస ఫ్లాపుల్లో ఉండటం దీనికి కారణమైంది. అయితే మహేష్ తాజాగా తన వర్కింగ్ స్టైల్ ని మార్చుకుని వరస సినిమాలను కమిటవుతున్నాడు. ఈ క్రమంలో పూరీ చెప్పిన స్టోరీ లైన్ కి ఇంప్రెస్ అయి 2011 మార్చి నుంచి డేట్స్ కేటాయిస్తానని చెప్పినట్లు విశ్వసనీయ సమాచారం. దాంతో పూరి స్క్రిప్టుకి తుది మెరుగులు దిద్దుతున్నారు. అలాగే తెలుగులో పేరున్న ఓ నిర్మాణ సంస్ధ ఈ చిత్రాన్ని నిర్మించటానికి ముందుకొచ్చింది. మరో ప్రక్క పూరీ జన్నాధ్...రాణా హీరోగా నేనూ...నా రాక్షసి చిత్రం డైరక్ట్ చేస్తున్నారు. ఇక మహేష్ బాబు...దూకుడు(శ్రీను వైట్ల దర్శకత్వం)చిత్రం, శంకర్ తో త్రీ ఇడియట్స్ రీమేక్, లింగుస్వామి దర్సకత్వంలో వేట చిత్రాలు ఇప్పటికే కమిటయ్యి ఉన్నారు.