హోమ్

గాసిప్స్

హైదరాబాద్: నందమూరి నట సింహం బాలయ్య తర్వాతి సినిమాలో హీరోయిన్ త్రిష రొమాన్స్ చేయబోతోందనే రూమర్లు ఫిల్మ్ నగర్లో చక్కర్లు కొడుతున్నాయి. బెల్లకొండ సురేష్ నిర్మించనున్న ఈచిత్రానికి శ్రీనివాస్ దర్శకత్వం వహిస్తారని ఆ వార్తల సారాంశం. అయితే దీనిపై ఇప్పటి వరకు ఎలాంటి అధికారిక సమాచారం వెలువడ లేదు.

ఆ సంగతి పక్కన పెడితే...బాలయ్య అంకుల్ సరసన త్రిష ఆంటీ అంటూ కొందరు నెగెటివ్ ప్రచారం చేస్తున్నారు. బాలయ్య సరసన యంగ్ హీరోయిన్లు చేయడానికి ఇష్ట పడటం లేదని, మరో వైపు త్రిషను కూడా యంగ్ హీరోలంతా పక్కన పెట్టారని.....అవకాశాలు లేక త్రిష బాలయ్యతో చేయడానికి ఓకే చెప్పిందని, బాలయ్య కూడా త్రిషతో చేయడానికి ఓకే చెప్పాడని అంటున్నారు. అయితే ఈ ఇద్దరు కలిసి నటిస్తుండటంపై ఇలా నెటెటివ్‌గా ప్రచారం జరుగడంపై బాలయ్య అభిమానులు మండి పడుతున్నారు. ఎవరు ఎన్ని ప్రయత్నాలు చేసినా బాలయ్య‌ ఇమేజ్ చెక్కు చెదరదని, ఆయన రేంజే వేరని అంటున్నారు ఫ్యాన్స్.

ఆ విషయం పక్కన పెడితే...త్రిష ఇప్పటి వరకు టాలీవుడ్ అగ్రహీరోలైన చిరంజీవి, నాగార్జున, వెంకటేష్‌లతో కలిసి నటించింది. బాలయ్యతో మాత్రం నటించలేదు. బాలయ్య-బెల్లంకొండ సినిమా వార్త నిజమైతే త్రిష టాలీవుడ్ అగ్రహీరోలందరితో చేసిన హీరోయిన్ల లిస్టులో చేరిపోవడం ఖాయం.

బాలయ్య ఇటీవల నటించిన 'శ్రీమన్నారాయణ' చిత్రం బాక్సాపీసు వద్ద మంచి ఫలితాలనే ఇచ్చింది. రవికుమార్ చావలి దర్శకత్వం వహించిన ఈచిత్రాన్ని రమేష్ పుప్పాల 'ఎల్లో ఫ్లవర్స్' బేనర్ పై నిర్మించారు. పార్వతి మెల్టన్, ఇషా చావ్లా హీరోయిన్లు. చక్రి సంగీతం అందించారు.

బాలయ్య త్వరలో 'ఆదిత్య 999' చిత్రంలో నటింబోతున్నట్లు తెలుస్తోంది. 'ఆదిత్య 999' ఈ చిత్రానికి సింగితం శ్రీనివాస రావు దర్శకత్వం వహించనున్నారు. కొండ కృష్ణం రాజు సమర్పణలో వినోద్ ఈచిత్రాన్ని నిర్మించనున్నారు. ఇప్పటికే కథ చర్చలు పూర్తయ్యాయి. త్వరలోనే ఈచిత్రం రెగ్యులర్ షూటింగ్ ప్రారంభించేందుకు సన్నాహాలు చేస్తున్నట్లు తెలుస్తోంది.