అక్కినేని అఖిల్ కాదు అల్లు అర్జున్?

By Srikanya

| Updated: Thursday, November 7, 2013, 18:06 [IST]

హైదరాబాద్ : ఈ మధ్య కాలంలో ఏ యంగ్ హీరో ఎంట్రీకి రానంత క్రేజ్ అక్కినేని అఖిల్ కి వస్తోంది. అక్కినేని అఖిల్‌ ఎంట్రీ ఎప్పుడు? ఆ సినిమాకి దర్శకుడు ఎవరు? నాగార్జున తన వారసుడిని ఎవరి చేతుల్లో పెడతారు? అక్కినేని అభిమానుల హృదయాల్లో ఇలాంటి అనుమానాలూ, ప్రశ్నలెన్నె... వాటికి దాదాపుగా సమాధానం దొరికేసింది. 'అఖిల్‌ ఎంట్రీ వచ్చే యేడాదే...' అని నాగార్జున కూడా చెప్పేశారు. అయితే దర్శకుడు ఎవరు అనే విషయంపై ఓ క్లారిటీ ఇంత వరకూ లేదు. ఈ ప్రశ్నకు ఇప్పుడు జవాబు దొరికింది. ప్రస్తుతానికైతే త్రివిక్రమ్‌ దర్శకుడిగా అఖిల్‌ అరంగేట్రం ఉండబోతోందని వార్తలు మీడియాలో వచ్చాయి‌. త్రివిక్రమ్ తర్వాతి సినిమా అల్లుఅర్జున్‌తో ఉంటుందని చెప్పుకొంటున్నారు.

అయితే అఖిల్ ఎంట్రీ కి సంబంధించి నాగార్జున - త్రివిక్రమ్‌ల మధ్య చర్చలు జరుగుతున్నట్టు తెలిసింది. అయితే అఖిల్‌ మాత్రం అలాంటిదేం లేదు... అంటున్నాడు. ఇప్పటి వరకూ తన సినిమాకి దర్శకుడు ఎవరనేది ఇంకా తెలియలేదని... ఒకవేళ త్రివిక్రమ్‌తో అవకాశం వస్తే సంతోషిస్తానని చెబుతున్నాడు అఖిల్‌. ''త్రివిక్రమ్‌తో సినిమా చేస్తున్నా అనే వార్తల్లో నిజం లేదు. దర్శకుడు ఎవరనేది తెలిస్తే నేనే చెబుతా'' అని ట్వీట్‌ చేశాడీ సిసింద్రీ. 'అత్తారింటికి దారేది' తరవాత త్రివిక్రమ్‌ తన తదుపరి చిత్రాన్ని ఇంకా ప్రకటించలేదు.

ప్రస్తుతం బన్ని ప్రస్తుతం 'రేస్ గుర్రం' సినిమా షూటింగ్ పనులలో బిజీగా వున్నాడు. ఈ సినిమాకు సురేందర్ రెడ్డి దర్శకుడు. శృతిహాసన్ హీరోయిన్. ప్రస్తుతం షూటింగ్ శరవేగంగా సాగుతుంది. 'రేసు గుర్రం' పూర్తి ఫ్యామిలీ ఎంటర్టైనర్ అని నిర్మాత నల్లమలుపు బుజ్జి తెలియచేసారు. జనవరి 14,2014న తమ సినిమా రిలీజ్ చేయాలనుకుంటున్నామని అన్నారు.

నల్లమలుపు బుజ్జి మాట్లాడుతూ..." మీరు అల్లు అర్జున్ ని పూర్తి స్ధాయి ఫ్యామిలీ ఎంటర్టైనర్ లో చూస్తారు. బన్ని కెరీర్ లో మొదటి సారి పూర్తి కామెడీ తో చేస్తున్న సినిమా ఇది. సంక్రాంతికి మా సినిమా భారీ ఎత్తున విడుదల చేస్తాం ," అన్నారు. శృతిహాసన్, సలోని హీరోయిన్స్ గా చేస్తున్న ఈ చిత్రాన్ని నల్లమలుపు బుజ్జి, కె. వెంకటేశ్వరరావు సంయుక్తంగా ఈచిత్రాన్ని నిర్మిస్తున్నారు. ఈ చిత్రానికి కథ : వక్కతం వంశీ, సంగీతం : తమన్, సినిమాటోగ్రఫీ : మనోజ్ పరమహంస, ఎడిటింగ్ : గౌతం రాజు, నిర్మాతలు : నల్లమలుపు శ్రీనివాస్, వెంకటేశ్వర రావు, దర్శకత్వం : సురేందర్ రెడ్డి

Comments

English summary

Trivikram is currently the most sought after director in Telugu cinema industry. With back to back hits Julayi and Attarintiki Daredi, Trivikram's status as director has gone to a new level. Attarintiki Daredi created a sensation by beating Magadheera record and becoming the all time number one of Telugu cinema.