త్రివిక్రమ్ సినిమా క్యాన్సిల్.. ఇప్పట్లో ఉండకపోవచ్చు!

చాలా రోజుల క్రితం ప్రకటన

త్రివిక్రమ్ శ్రీనివాస్, విక్టరీ వెంకటేష్ కాంబినేషన్ లో సినిమా ఉంటుందంటూ హారిక హాసిని సంస్థ చాలా రోజుల క్రితమే ప్రకటించింది. దీనితో వెంకటేష్ అభిమానులు సంబరపడిపోయారు. 2001 లో విడుదలైన నువ్వు నాకు నచ్చావ్ చిత్రాన్ని గుర్తు చేసుకుంటూ ఊహల్లో తేలిపోయారు.

వెంకటేష్, త్రివిక్రమ్ మార్క్

నువ్వు నాకు నచ్చావ్ చిత్రానికి దర్శకుడు విజయ్ భాస్కరే అయినప్పటికీ.. ఆ సినిమా మొత్తం వెంకటేష్ నటన, త్రివిక్రమ్ డైలాగ్స్ తో వినోదాత్మకంగా సాగుతుంది. త్రివిక్రమ్, వెంకీ కాంబినేషన్ లో సినిమావస్తే అలాంటి వినోదాత్మక చిత్రం వస్తుందని అభిమానులు భావించారు.

అల్లు అర్జున్‌తో సినిమా

త్రివిక్రమ్ శ్రీనివాస్ నెక్స్ట్ మూవీ అల్లు అర్జున్ తో ఉండబోతున్నట్లు వార్తలు వస్తున్నాయి. ఓ హిందీ చిత్ర కథ ఆధారంగా త్రివిక్రమ్, బన్నీ సినిమా రోపొందబోతున్నట్లు తెలుస్తోంది. ఇక వెంకీ కూడా ప్రస్తుతం ఎఫ్2, వెంకీ మామ వంటి మల్టీస్టారర్ చిత్రాలతో బిజీగా గడుపుతున్నాడు.

వెంకీ బర్త్ డే సందర్భంగా

వెంకటేష్ గతః పుట్టిన రోజు సందర్భంగా హారిక అండ్ హాసిని సంస్థ ఓ పోస్టర్ విడుదల చేసింది. వెంకటేష్ తదుపరి చిత్రం తమ బ్యానర్ లో త్రివిక్రమ్ దర్శత్వంలో ఉండబోతున్నట్లు తెలిపింది. కానీ తాజాగా సినీవర్గాల్లో జరుగుతున్న చర్చ ప్రకారం ఆ చిత్రం రద్దయిందని అంటున్నారు. భవిషత్తులో వెంకీ, త్రివిక్రమ్ కాంబోలో తప్పకుండా సినిమా ఉంటుందని అంటున్నారు.