‘పింక్’ రీమేక్ అప్‌డేట్స్: టాలెంటెడ్ హీరోయిన్ కన్ఫార్మ్.. ప్రస్తుతానికి పవన్‌తో పని లేదట.!

బడా నిర్మాతకే సాధ్యం అయింది

పవన్ కల్యాణ్ పాలిటిక్స్‌లో బిజీ అయిన తర్వాత చాలా మంది ఫిల్మ్ మేకర్లు ఆయన రీఎంట్రీ కోసం ప్రయత్నాలు చేసినట్లు వార్తలు వచ్చాయి. అయితే, ఏ నిర్మాతకూ సాధ్యం కాని దానిని దిల్ రాజు చేసి చూపించారు. బాలీవుడ్‌లో భారీ విజయాన్ని అందుకున్న ‘పింక్' సినిమా రీమేక్‌తో వీరిద్దరి కాంబినేషన్‌లో సినిమా రాబోతుందని జోరుగా ప్రచారం జరుగుతోంది.

ఆ ఇద్దరిపై పవర్‌ స్టార్ ఫైర్

పవర్ స్టార్ రీఎంట్రీ గురించి వార్తలు బయటకు వచ్చిన సమయంలోనే.. ఈ సినిమాకు పవన్ తీసుకునే రెమ్యూనరేషన్ గురించి కూడా ఆసక్తికరమైన ప్రచారం జరిగింది. ఇవన్నీ బయటకు రావడంతో ఈ స్టార్ హీరో.. దిల్ రాజుతో పాటు సహా నిర్మాత అయిన బోనీ కపూర్‌పై ఫైర్ అయ్యాడని గుసగుసలు వినిపించాయి. ఇది ఆ సమయంలో హాట్ టాపిక్ అయిపోయింది.

ఇంటర్వ్యూలో క్లారిటీ ఇచ్చేశాడు

పింక్ రీమేక్‌లో పవన్ నటిస్తున్నారన్న వార్త అటు చిత్ర పరిశ్రమలోనూ.. ఇటు రాజకీయాల్లోనూ హాట్ టాపిక్ అవుతోంది. ఈ నేపథ్యంలో దీనిపై దిల్ రాజు స్పందించారు. కొద్ది రోజుల క్రితం ఓ పత్రికకు ఇచ్చిన ఇంటర్వ్యూలో పవన్‌తో సినిమా చేస్తున్నట్లు వెల్లడించారు. అంతేకాదు, ఆయన ఎప్పుడు డేట్స్ ఇస్తే అప్పుడు షూటింగ్ స్టార్ట్ చేస్తామని ప్రకటించారు.

పవన్ సినిమాలో హీరోయిన్ ఫిక్స్

ఈ సినిమాలో నటించే హీరోయిన్ విషయంలో తాజాగా ఓ వార్త బయటకు వచ్చింది. ‘పింక్'లో తాప్సీ చేసిన పాత్రకు, తెలుగులో టాలెంటెడ్ హీరోయిన్‌గా పేరు తెచ్చుకున్న నివేదా థామస్‌ను ఎంపిక చేశారట. యాక్టింగ్‌కు స్కోప్ ఉన్న పాత్ర కావడానికి తోడు, పవన్ సినిమాలో అవకాశం అనగానే ఈ బ్యూటీ వెంటనే ఓకే చేసేసిందని అంటున్నారు.

వాళ్లకు పవన్‌తో పని లేదట

ఈ సినిమాకు సంబంధించిన మరో విషయం కూడా ప్రచారం అవుతోంది. ఈ సినిమాను రెండు రోజుల్లోనే ప్రారంభించనున్నారని సమాచారం. పవన్ లేకుండానే దిల్ రాజు ఆఫీస్‌లో పూజా కార్యక్రమాలు జరుపుతారని అంటున్నారు. అలాగే, జనవరి నుంచి సినిమా రెగ్యూలర్ షూటింగ్ స్టార్ అవుతుందట. మొదట్లో పవన్ లేని సీన్లను చిత్రీకరిస్తారనే టాక్ వినిపిస్తోంది.