ఆ తార గర్భవతా?

By Staff

Published: Thursday, March 12, 2026, 4:17 [IST]

'టి.నగర్' సినిమాతో పరిచయం అయిన తమిళ హీరోయిన్ ఉదయతార ఆ సినిమా దర్శకుడు తిరుమలైని పెళ్ళి చేసుకుందని పుకారు ఇప్పుడు తమిళ పరిశ్రమను చుట్టుముడుతున్నాయి.సాధారణంగా హీరోయిన్లకు పెళ్లయింది...కాబోతోంది...గర్భవతి..వంటి వార్తలు బేజారు పుట్టిస్తాయి. అందులోనూ ఇప్పుడిప్పుడే పైకి వస్తున్న ఉదయతార వంటి వాళ్లకు మరీనూ. దాంతో ప్రక్కింటి అమ్మాయి ఇమేజ్ సంపాదించుకుని కెరీర్ నిర్మించుకుంటున్న ఈ పందొమ్మిదేళ్ళ ముద్దు గుమ్మకిది పెద్ద సమస్యగా మారింది .ఈలోగా రిస్క్ తీసుకోవటం ఎందుకని అనుకున్నా నిర్మాతలనుండి వచ్చిన అవకాశాలు జారిపోవటం ప్రారంభమయ్యాయి. కంగారుపడిన ఉదయతార ఆరా తీసింది. దర్శకుడు తిరుమలై స్వయంగా ఈ తరహా ప్రచారానికి పూనుకున్నాడని తేలిందిట. దాంతో స్పీడుగా మీడియాని సమావేశపరిచి "తిరుమలై నాకు సోదర సమానుడు... అనవసరంగా పుకార్లు లేపి నా కెరీర్ ని నాశనం చేస్తున్నాడు" అంటూ స్టేట్ మెంట్ ఇచ్చింది. ఈ విషయంపై దర్శకుడు తిరుమలై ని సంప్రదిస్తే "ఈ గొడవకు నాకు సంభంధం లేదు. ఆమెను కలిసి విషయం చర్చిస్తాను" అంటూ కూల్ గా సమాధానమిచ్చాడట. ఇది ఇలా ఉంటే పరిశ్రమ వాళ్లు మాత్రం ఆకు..ముల్లు సామెత గుర్తుకు వచ్చి నవ్వుకుంటున్నారు.

More from Filmibeat