నెక్స్ట్ టార్గెట్ దాసరి, ఆర్తి అగర్వాల్, ఉదయ్ కిరణ్.. ఓటీటీలో బయోపిక్స్ ప్లాన్?

సావిత్రి బయోపిక్ తరువాత

మహానటి సావిత్రి బయోపిక్ తరువాత ఇండస్ట్రీలో రియాల్ లైఫ్ కథలకు క్రేజ్ బాగా పెరిగిపోయింది. ముఖ్యంగా ఎమోషనల్ కథలపై జనాలు ఎక్కువగా ఇంట్రెస్ట్ చూపిస్తున్నారు. అందుకోసమే కొంతమంది దర్శకులు అలాంటి కథలపై ఎక్కువగా ఫోకస్ పెడుతున్నారు. ఇప్పటికే విలక్షణ దర్శకుడు రామ్ గోపాల్ వర్మ ఆ దారిలో నడిచి కొంత సక్సెస్ అయిన విషయం తెలిసిందే.

ఓటిటీలో ఆర్తి అగర్వాల్ బయోపిక్

ఆర్తి అగర్వాల్ బయోపిక్ పై గత ఏడాది నుంచి చర్చలు జరుగుతున్నాయని రూమర్స్ అయితే గట్టిగానే వచ్చాయి. ఇక ప్రస్తుతం ఓటీటీలోనే కొన్ని ఎపిసోడ్స్ లాగా రిలీజ్ చేస్తే బావుంటుందని ఆలోచిస్తున్నారట. లావు తగ్గడానికి లైపో సర్జరీ చేసుకున్న ఆర్తి అమెరికాలోనే తుది శ్వాసను విడిచిన విషయం తెలిసిందే.

కాస్త తేడా వచ్చినా కష్టమే..

అయితే ఆర్తి అగర్వాల్ జీవితంలో ఎదుర్కొన్న కొన్ని మోసాలను సినిమాలో హైలెట్ గా చూపించనున్నట్లు తెలుస్తోంది. ఇక దాసరి నారాయణరావు బయోపిక్ అనేది చాలా క్లిష్టమైనది. దర్శకరత్న అంటే ఇండస్ట్రీలో ప్రతి ఒక్కరికి గౌరవమే అలాంటిది ఆయన బయోపిక్ తీయాలి అంటే చాలా బ్యాక్ గ్రౌండ్ వర్క్ చేయాలి. కాస్త తేడా వచ్చినా కష్టమే.

దాసరి జీవితంలో కష్టాలు

దాసరి విజయాలతో పాటు ఆయన కుటుంబ పరంగా కొన్ని ఇబ్బందులను ఎదుర్కొన్న తీరును సినిమాగా చూపించే అవకాశం ఉందట. చాలా ఇంటర్వ్యూలలో దాసరి తన కొడుకుల గురించి చెబుతూ కొంత బాధపడ్డారు. మరి ఆ కాంట్రవర్సీ కాన్సెప్ట్ లను ఎవరు,ఎలా తెరకెక్కిస్తారో చూడాలి.

వర్మ 'హృదయ్ కిరణ్'..

ఇక ఉదయ్ కిరణ్ జీవితంపై సినిమా వస్తుందని చాలా ఏళ్లుగా రూమర్స్ వస్తున్నాయి. రీసెంట్ గా రామ్ గోపాల్ వర్మ కూడా ఉదయ్ బయోపిక్ పై దీర్ఘంగా ఆలోచించారనే కామెంట్స్ వచ్చాయి. హృదయ్ కిరణ్ అనే టైటిల్ కూడా సెట్ చేసుకున్నారని కథనాలు వెలువడ్డాయి. మరి ఇది ఎంతవరకు నిజమో తెలియాలి అంటే మరికొన్ని రోజులు వెయిట్ చేయాల్సిందే.