డార్లింగ్ ఫ్యాన్స్ కు ప్రేమికుల రోజున స్పెషల్ గిఫ్ట్.. మళ్ళీ హ్యాండ్ ఇవ్వరు కదా?

ఈ ఏడాది రెండు సినిమాలు అనుకున్నారు..

2020 కరోనా ధాటికి చాలా మంది జీవితాలలో పెను మార్పులను తెచ్చిందనే చెప్పాలి. టాలీవుడ్ హీరోలతే చాలా వరకు భవిష్యత్తు ప్రాజెక్టులను చాలా బలంగా సిద్ధం చేసుకుంటున్నట్లు అర్ధమయ్యింది. ఇక ప్రభాస్ అంచనాలకు మించిన పాన్ ఇండియా కథలను రెడీ చేసుకున్నాడు. ఇక ఈ ఏడాది రెండు సినిమాలతో సర్ ప్రైజ్ ఇవ్వనున్నట్లు ప్లాన్ చేసుకున్నప్పటికీ కుదరలేదు.

రాధేశ్యామ్ సర్ ప్రైజ్

ప్రస్తుతం రాధేశ్యామ్ సినిమాతో బిజీగా ఉన్న ప్రభాస్ ఈ సినిమా షూటింగ్ అయిపోగానే వెంటనే మరో సినిమా షూటింగ్ ను స్టార్ట్ చేయాలని అనుకుంటున్నాడు. లాక్ డౌన్ లోనే షూటింగ్స్ విషయాల్లో ప్రభాస్ పక్కా ప్లాన్ తో రెడీ చేసుకున్నాడట. ఇక ముందుగా రాధేశ్యామ్ సినిమాకు సంబంధించిన ఒక సర్ ప్రైజ్ ప్లాన్ చేసినట్లు తెలుస్తోంది.

సినిమా టీజర్ వచ్చేది ఆ రోజే..

ప్రస్తుతం ఇండస్ట్రీలో వినిపిస్తున్న టాక్ ప్రకారం రాధేశ్యామ్ సినిమా యొక్క టీజర్ ను రెడీ చేస్తున్నట్లు తెలుస్తోంది. డార్లింగ్ ఫ్యాన్స్ కోసం ఫిబ్రవరి 14న ప్రత్యేకంగా టీజర్ ను విడుదల చేయడానికి దర్శక నిర్మాతలు రెడీగా ఉన్నట్లు సమాచారం. యూవీ క్రియేషన్స్ గోపికృష్ణ కాంబినేషన్ లో రూపొందుతున్న ఈ సినిమాను జులై 9న విడుదల చేయాలని ప్లాన్ చేస్తున్నారు.

Recommended Video

Adipurush చిత్ర యూనిట్ కి తప్పిన పెను ప్రమాదం ! | Prabhas | Saif Ali Khan

మళ్ళీ హ్యాండ్ ఇవ్వరుగా

2018లో సెట్స్ పైకి వచ్చిన ఈ సినిమా రెండేళ్లకు పైగా షూటింగ్ దశలోనే ఉంది. సినిమాకు సంబంధించిన ప్రమోషన్స్ అప్డేట్స్ అయితే చాలా పూర్ గా ఉన్నాయని అభిమానులే ఆగ్రహం వ్యక్తం చేస్తున్నారు. ఇక ఫిబ్రవరి 14న పక్కా టీజర్ తో వస్తారని ఇన్ సైడ్ టాక్. ఆ రోజు మిస్సయితే అంతకంటే స్పెషల్ టైమ్ మరొకటి దొరకదు. ఇక చిత్ర యూనిట్ మళ్ళీ హ్యాండ్ ఇవ్వరుగా అంటూ ఓ వర్గం ఆడియెన్స్ కామెంట్స్ చేస్తున్నారు.