వంశీ కొత్త సినిమా టైటిల్ ఏమిటంటే...

గోపి..గోపిక..గోదావరి చిత్రంతో మళ్ళీ తానేంటో ప్రూవ్ చేసుకున్న వంశీ త్వరలో తీయబోయే చిత్రానికి ఆయ్..మాది రాజమండ్రి అనే టైటిల్ ని పెట్టినట్లు సమాచారం. ఈ చిత్రం కథా చర్చలు ప్రస్తుతం తీవ్ర స్ధాయిలో జరుగుతున్నాయి. పూర్తి తూర్పు గోదావరి శ్లాంగ్ తో ఈ చిత్రం డైలాగులు రాయిస్తున్నారని తెలుస్తోంది. ఇక ఈ చిత్రంలో హీరో ఎవరన్నదీ తేలలదు. అల్లరి నరేష్ తో ఆయన రూపొందించనున్న లేడీస్ టైలర్ సీక్వెల్ బదులుగా ఈ చిత్రాన్ని తెరకెక్కించే అవకాశం ఉందని అంటున్నారు. అలాగే మహర్షి బ్యానర్ పై వల్లూరి పల్లి రమేష్ ఈ చిత్రాన్ని తీయనున్నారు. గోపీ..గోపిక..గోదావరి టైటిల్ తో జనాల్ని ఆకట్టుకుని హిట్ చేసుకున్న ఉత్సాహంతో ఈ చిత్రంపై దృష్టి పెట్టారని చెప్తున్నారు. అలాగే పశలపూడి కధలు(వంశీ రాసినవి) కొన్ని తీసుకుని ఇందులో సీన్స్ క్రింద మారుస్తున్నారని సమాచారం.