Don't Miss!
- Automobiles క్రాష్ టెస్ట్లో హోండా అమేజ్కు గట్టి షాక్.. ఆ విభాగంలో ‘0' రేటింగ్.!!
- News ఏపీలో 45 డిగ్రీలను దాటిన టెంపరేచర్: గరిష్ఠ ఉష్ణోగ్రత నమోదైంది ఇక్కడే
- Sports చరిత్ర సృష్టించిన స్టొయినిస్.. సెహ్వాగ్ రికార్డు బ్రేక్!
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
గంగా నదిని హైదరాబాద్ తీసుకొస్తున్న మాస్ డైరెక్టర్.. బాలయ్య కోసం రిస్క్కు సిద్ధం
వరుస పరాజయాలతో సతమతం అవుతున్నాడు సీనియర్ హీరో నటసింహా నందమూరి బాలకృష్ణ. గత ఏడాది ఆయన ఏకంగా మూడు సినిమాలతో ప్రేక్షకుల ముందుకు రాగా, అవన్నీ బాక్సాఫీస్ ముందు బోల్తా కొట్టాయి. దీంతో ఈ సారి పక్కాగా హిట్ కొట్టాలన్న పట్టుదలతో ఉన్నారు. ఇందుకోసం తనకు గతంలో 'సింహా', 'లెజెండ్' వంటి రెండు బడా హిట్లు ఇచ్చిన మాస్ డైరెక్టర్ బోయపాటి శ్రీనుతో జత కట్టారు. ఎంతో ప్రతిష్టాత్మకంగా రూపొందుతోన్న ఈ సినిమాను మిర్యాల రవీందర్ రెడ్డి నిర్మిస్తున్నారు. బాలయ్య కెరీర్లోనే భారీ బడ్జెట్తో ఇది తెరకెక్కుతోంది.
ఈ సినిమాలో నందమూరి బాలకృష్ణ రెండు విభిన్నమైన పాత్రలను పోషిస్తున్నారు. అందులో ఒకటి పవర్ఫుల్ రైతు పాత్ర కాగా, రెండో అఘోరా రోల్ అని చిత్ర యూనిట్ ఇది వరకే హింట్ ఇచ్చింది. ఇక, ఈ పాత్రకు సంబంధించిన చిత్రీకరణ కోసం వారణాసిలో భారీ షెడ్యూల్ను జరుపుకోనున్నట్లు కూడా గతంలో ప్రకటించారు. అందుకు అనుగుణంగానే అక్కడ షూటింగ్ జరపాలని భావిస్తోన్న తరుణంలో కరోనా వైరస్ దానికి ఆటంకం కలిగించింది. తాజాగా దీనికి సంబంధించిన ఓ అప్డేట్ బయటకు వచ్చింది.
తాజా సమాచారం ప్రకారం.. ఈ సినిమా కోసం హైదరాబాద్లోనే వారణాసిని పోలిన సెట్ వేయబోతున్నారట. గంగా నది సెటప్ను కూడా డిజైన్ చేశారని అంటున్నారు. దీని కోసం భారీగా ఖర్చు చేయబోతున్నాడట నిర్మాత రవీందర్ రెడ్డి. ఇక, ఈ సినిమాకు 'మోనార్క్' అనే టైటిల్ ఫిక్స్ చేయబోతున్నట్లు కొద్ది రోజులుగా ప్రచారం జరుగుతోంది. అలాగే, ఈ సినిమాలో నటించే హీరోయిన్ విషయంలో క్లారిటీ రాలేదు. కానీ, ప్రగ్యా జైస్వాల్, పూర్ణలను తీసుకుంటున్నారని వార్తలు వస్తున్నాయి. ఆ మధ్య విడుదలైన చిత్ర టీజర్కు భారీ స్థాయిలో స్పందన వచ్చిన విషయం తెలిసిందే.