వరుణ్ సందేశ్ 'కష్ట' కాలం

'హ్యాపీడేస్', 'కొత్తబంగారు లోకం' చిత్రాల వరుస విజయాలతో మంచి జోష్ మీదున్న వరుణ్ సందేశ్ ఆ తర్వత వచ్చిన 'ఎవరైనా ఎపుడైనా' చిత్రం పరాజయం తర్వాత డీలా పడిపోయాడు. దీనికి తోడు పారితోషికాన్ని అమాంతం పెంచేసిన వరుణ్ ను తీసుకోవడానికి నిర్మాతలు వెనుకడుగేస్తున్నారు.

హ్యాపీడేస్ చిత్రం ద్వారా తెరంగేట్రం చేసిన వరుణ్ ఆ సినిమాకు ఎలాంటి పారితోషికం తీసుకోకుండానే నటించాడు. ఆ తర్వాత వచ్చిన 'కొత్తబంగారు లోకం' చిత్రానికి 15 లక్షల రూపాయలు పారితోషికంగా అందుకున్నాడు. ఇటీవలే విడుదలైన 'ఎవరైనా ఎపుడైనా' చిత్రానికి 20 లక్షలు తీసుకున్నాడని తెలిసింది. ఆ తర్వాతి సినిమాలకి ఏకంగా కోటి రూపాయలు డిమాండ్ చేసాడట. కానీ ఆ చిత్రం బాక్సాఫీస్ వద్ద బోల్తాకొట్టడంతో ఒక్కసారిగా వరుణ్ క్రేజ్ పడిపోయింది. దీంతో వరుణ్ తో సినిమాలు చెయ్యాలనుకున్న నిర్మాతలు కొత్తగా వచ్చిన నాని, తనీష్ లను సంప్రదిస్తున్నారట. దీంతో వరుణ్ పారితోషికాన్ని 15 లక్షలకు తగ్గించకొని సినిమాలు చేస్తున్నాడట.