RRR వదిలిన డేట్‌కు మెగా ప్రిన్స్ ఓటు.. !!

మెగా ప్రిన్స్ వరుణ్ తేజ్ ఓ వైపు ప్రయోగాలు చేస్తూనే.. కమర్షియల్ మీటర్‌లోనూ ప్రయాణిస్తున్నాడు. అన్ని రకాల చిత్రాలను చేస్తూ ప్రేక్షకులను మెప్పించే ప్రయత్నం చేస్తున్నాడు. ఈ క్రమంలోనే తొలిప్రేమ, అంతరిక్షం, ఎఫ్2, గద్దలకొండ గణేష్ వంటి చిత్రాలు వచ్చాయి. ప్రయోగాలు చేసి చేతులు కాల్చుకున్నా కూడా కొత్తగా ట్రై చేసేందుకు ఎన్నడూ వెనకాడలేదు.

అందుకే మరో వినూత్న చిత్రాన్ని ప్రేక్షకులకు అందించేందుకు సిద్దమయ్యాడు. బాక్సింగ్ నేపథ్యంలో తెరకెక్కుతున్న ఈ సినిమా కోసం అమెరికాలో ప్రత్యేక శిక్షణ తీసుకున్నాడు. పూర్తిగా తన శరీరాకృతిని మార్చుకున్న వరుణ్.. బాగానే చెమటోడ్చినట్టు తెలుస్తోంది. తాజాగా ఈ మూవీ షూటింగ్ కూడా మొదలైంది.

ఈ మేరకు వరుణ్ ట్వీట్ చేశాడు. తన మూవీ షూటింగ్ వైజాగ్‌లో మొదలైంది.. అందరి ఆశీస్సులు కావాలంటూ పోస్ట్ చేశాడు. తాజాగా ఈ మూవీకి సంబంధించిన ఓ అప్‌డేట్ వచ్చేసింది. జూలై 30 అంటే అందరికీ గుర్తొచ్చేది RRR. దాదాపు రెండేళ్లుగా ఆ రిలీజ్ డేట్ అందరి నోళ్లలో నానిపోయింది. ఆ రోజు మరో అద్భుతం జరగబోతోందని ఎందరో ఎదురుచూశారు. అయితే ఆ అద్భుతాన్ని 2021 జనవరి 8కి వాయిదా వేశారు. తాజాగా వినిపిస్తున్న టాక్ మేరకు.. వరుణ్ తన చిత్రాన్ని జూలై 30కి విడుదల చేయాలని ఫిక్స్ అయ్యాడట. మరి దీనిపై చిత్రయూనిట్ స్పందించాల్సి ఉంది.