వరుణ్ తేజ్ ఆ దర్శకుడిని పక్కన పెట్టేశాడా.. ఆ తర్వాతే రామ్!

ముందుగా అనుకున్నది అతడితో

వరుణ్ తేజ్ ప్రస్తుతం హరీష్ శంకర్ దర్శకత్వంలో వాల్మీకి చిత్రాన్ని ప్రారంభించాడు. వాల్మీకి చిత్రం తమిళ బ్లాక్ బస్టర్ మూవీ జిగర్తాండకు రీమేక్. ఈ చిత్రాన్ని 14 రీల్స్ సంస్థ నిర్మిస్తోంది. వాస్తవంగా వాల్మీకి చిత్రాన్ని 14 రీల్స్ సంస్థ నిర్మించాలని అనుకోలేదట. యువ దర్శకుడు సాగర్ చంద్ర ఆ మధ్యన ఓ కథని వరుణ్ తేజ్ కు వినిపించినట్లు తెలుస్తోంది. అప్పట్లో ఒకడుండేవాడు చిత్రంతో ఈ యువ దర్శకుడు మంచి గుర్తింపు సొంతం చేసుకున్నాడు.

వరుణ్ తప్పుకున్నాడు

వరుణ్ తేజ్ కు కూడా సాగర్ చెప్పిన పాయింట్ నచ్చినట్లు తెలుస్తోంది. 14 రీల్స్ సంస్థ ఈ కాంబినేషన్ లోనే సినిమా నిర్మించాలని భావించింది. కానీ కథ డెవలప్ చేసే సమయంలో సరిగా సెట్ కాకపోవడంతో వరుణ్ తప్పుకున్నాడు. వెంటనే హరీష్ శంకర్ కు గ్రీన్ సిగ్నల్ ఇవ్వడంతో 14 రీల్స్ సంస్థ ఈ ప్రాజెక్ట్ లోకి ఎంటర్ అయిపోయింది.

రామ్ గ్రీన్ సిగ్నల్

దర్శకుడు సాగర్ చంద్ర అదే కథని హీరో రామ్ కు వివరించాడట. కథ బావుండడంతో రామ్ ఒకే చెప్పినట్లు తెలుస్తోంది. రామ్ పెదనాన్న స్రవంతి రవికిశోర్ ఈ చిత్రాన్ని నిర్మించే అవకాశాలు ఉన్నట్లు వార్తలు వస్తున్నాయి. ప్రస్తుతం రామ్ డాషింగ్ డైరెక్టర్ పూరి జగన్నాథ్ దర్శత్వంలో ఇస్మార్ట్ శంకర్ చిత్రంలో నటిస్తున్నాడు. ఈ చిత్రం పూర్తయ్యాక సాగర్ చంద్ర దర్శత్వంలోని చిత్రం ప్రారంభమయ్యే అవకాశం కనిపిస్తోంది.

ఆ విషయంలో

సాగర్ చంద్ర తెరకెక్కించిన అప్పట్లో ఒకడుండేవాడు, అయ్యారే చిత్రాలకు విమర్శకుల నుంచి ప్రశంసలు లభించాయి. కానీ సాగర్ చంద్ర కమర్షియల్ గా ప్రూవ్ చేసుకోవాలి. రామ్‌తో తెరకెక్కించబోయే చిత్రంతో సాగర్ చంద్ర కమర్షియల్ హిట్ అందుకుంటాడేమో చూడాలి. ఈ ఏడాది ద్వితీయార్థంలో ఈ చిత్రం ప్రారంభం అయ్యే అవకాశాలు ఉన్నాయి.